Аҧсны Аҳәынҭқарра Ахада

 

Ахада Мушьни Лашәриа Урыстәылазегьтәи Апатриархиа алитературатә премиа ианашьара идиныҳәалеит

09.06.2021

Аԥсны Аҳәынҭқарра Ахада Аслан Бжьаниа Мушьни Лашәриа Урыстәылазегьтәи Апатриархиа алитературатә премиа ианашьара идиныҳәалеит.

Адныҳәаларатә текст аҟны иҳәоуп:

«Ҳаҭыр зқәу Мушьни Таииа-иҧа!

Гәык-ҧсыкала ишәыдысныҳәалоит Ацқьацәа Кирилли Мефодии рыхьӡ зху Урыстәылазегьтәи Апатриархиа  алитературатә премиа ахьшәанаршьаз.. Ари гәахәара дууп Аҧсны жәлар зегьы ҳзы.

Шәара шәырҿиамҭа шьахәқәа рыла  ҳмилаҭтә литература ахьшәырбеиаз анаҩсангьы, аҧсышәала ишәырҵәажәеит аурыс литература аклассикатә рҿиамҭақәа.

Урҭ расахьаркыратә ҩаӡара аҳаракыра Аҧсны анҭыҵ изныкымкәа иазгәарҭахьеит, дара рзы еиуеипшым апремиақәа шәанаршьахьеит.

Ҳаҭыр зқәу Мушьни Таииа-иҧа, ишәзеиҕьасшьоит агәабзиара, агәамч, шәырҿиараҿы аихьӡара ҿыҵқәа».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org