Аҧсны Аҳәынҭқарра Ахада

 

Ахәыҷқәа рыхьчара амш аҽны Ахада иԥшәмаԥҳәыс тҟәарчалтәи ахәыҷбаҳча "Амра" даҭааит

01.06.2021

Ахәыҷқәа рыхьчара амш аҽны Ахада иԥшәмаԥҳәыс тҟәарчалтәи ахәыҷбаҳча "Амра" даҭааит

Аԥсны Аҳәынҭқарра Ахада иԥшәмаԥҳәыс Аелита Ахьиба Ахәыҷқәа рыхьчара жәларбжьаратәи амш аҽны Тҟәарчал ақ. ахәыҷбаҳча "Амра" аҳамҭақәа лыманы даҭааит.

Ахәыҷбаҳча ашҭаҿы ахәыҷқәа асас лааира иазыҧшын. Ахада иԥшәмаԥҳәыс ахәыҷбаҳча иазаалгеит акомпиутерқәа хҧа, ателевизорқәа хҧа, ауарҳалқәа, ахызақәа, аспорттә маҭәахәқәа, аӡәӡәага машьына, ахәмаргақәа.

Ахада иҧшәмаҧҳәыс ахәыҷқәа драцәажәеит. Илыкәшаны игылаз ахәыҷқәагьы дасу илаз, илшарақәа раарԥшра рҭаххеит.

Аелита Ахьиба ахәыҷбаҳча аҭагылазаашьа еилылкааит, аусзуцәа драцәажәеит.

Тҟәарчал араион Админиситрациа ахада Исидор  Дочиеи ахәыҷбаҳча аиҳабы Ванда  Аҳәбеи иҭабуп ҳәа ларҳәеит атәыла Ахада иҧшәмаҧҳәыс Тҟәарчал аганахь ала иҟалҵаз ацхыраразы. "Даараӡа иҭабуп ҳәа шәаҳҳәоит Ахәыҷқәа рыхьчара жәларбжьаратәи амш ныҳәа аҽны ҳара ҳақалақьи ҳхәыҷбаҳчеи ахьалышәхыз",- лҳәеит В. Аҳәба.

Ахада иԥшәмаԥҳәыс иазгәалҭеит ахәыҷқәа зегьы аԥхарра, ахылаԥшра рыгымазароуп, аха тҟәарчалаа ҷыдала зҿлымҳара рыҭалатәуп ҳәа.
  ́
«Абри амш аҽны аибашьра ҳгәалаҳаршәар сҭахымызт, аха Мрагыларатәи Аԥсны апроблемақәа аибашьраҟнытә иаауеит.

Атәыла анапхгара русураҟны аҿиара ахырхарҭа хадақәа ируакны иҟоуп ҳәа сгәы иаанагоит ари араион ацхыраара. Иаагозар, Очамчыра араион аҟны зыргылара иаҿу агәабзиарачаԥарҭатә-туристтә комплекс.

Ари араион ауааԥсыра рынхарҭа ҭыԥқәа нырмыжьырц азы уи цхыраагӡаны иҟалоит. Ауаа анхаразы алшара рымазароуп. Ара ахәыҷқәа даара иԥшӡоуп, рылақәа уамашәа иҟоуп. Ахәыҷқәа ҳжьар ҟалаӡом, ҳрыцхраалароуп ртәыла иаԥсаны ирызҳаларц азы», - лҳәеит Ахада иԥшәмаԥҳәыс.
Анаҩс, ахәыҷбаҳча аусзуҩцәа иҭабуп ҳәа ралҳәеит игыло абиԥарақәа рааӡараҟны ирбо аџьабаазы.

Аелита Ахьиба ахәыҷқәеи ахәыҷбаҳча аколлективи ирзеиӷьалшьеит агәабзиара, аихьӡарақәа, ахәыҷқәа дрылагыланы лфотосахьагьы ҭылхит.  


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org