Аслан Бжьаниа Шьамтәылан имҩаҧысыз аофициалтә визит аихшьалақәа рыла аилацәажәара мҩаҧигеит

Аслан Бжьаниа Шьамтәылан имҩаҧысыз аофициалтә визит аихшьалақәа рыла аилацәажәара мҩаҧигеит

Аҧсны Аҳәынҭқарра Ахада Аслан Бжьаниа лаҵарамза 16-20 рзы Шьамтәылатәи Арабтә Республикаҟны имҩаҧысыз аофициалтә визит аихшьалақәа рыла аилацәажәара мҩаҧигеит.

Аҳәынҭқарра Ахада аделегациа иалахәыз, аофициалтә визит еиҿызкааз зегьы иҭабуп ҳәа реиҳәеит.

Аслан Бжьаниа авизит алҵшәақәа ахәшьара рыҭо, иазгәеиҭеит урҭ хымҧада Аҧсны Аҳәынҭқарреи Шьамтәылатәи Ареспубликеи рыбжьара ганрацәала, наҟ-ааҟ феида змоу аусеицура ишацхраауа.  

Дамаск имҩаҧысыз авизит аан ирылацәажәан аекономика, абанктә усхк, иара убас ақыҭанхамҩа атуризм, аҵараиура, акультура аусхкқәа рыҟны аусеицура азҵаарақәа.

Ахада Администрациеи аиҳабыреи ирыдиҵеит иалыршоу аиқәшаҳаҭрақәа рынагӡаразы иалкааны ашьаҿақәа аус рыдулара напы адыркырц.

Иара убас Аслан Бжьаниа Аҧсадгьыл ахь ахынҳәразы аилак Ахантәаҩы Вадим Ҳаразиа инапы ианиҵеит Шьамтәыла иҟоу аҧсуа диаспора  рымадара арҕәҕәара, зҭоурыхтә ҧсадгьыл ахь ахынҳәра зҭаху рыцхрааразы аусура амҽхак арҭбаара.

Аиҧылараҟны ирылацәажәан егьырҭ азҵаарақәагьы.  


Возврат к списку