Аҧсны Аҳәынҭқарра Ахада

 

Аслан Бжьаниа Анатоли Бибилов Аладатәи Уаҧстәыла Ареспублика Ахьыҧшымра алаҳәара Акт адкылара амш идиныҳәалеит

29.05.2021

Аҧсны Аҳәынҭқарра Ахада Аслан Бжьаниа Аладатәи Уаҧстәыла Ареспублика Ахада Анатоли Бибилов идиныҳәалеит Ахьыҧшымра алаҳәара Акт анрыдыркылаз амш.
Адныҳәаларатә цҳамҭаҿы, ҷыдала иҳәоуп:

«Ҳаҭыр зқәу Анатоли Илиа-иҧа!

Шәара аԥхьа шәнаргыланы, Алада Уаҧстәыла Ареспублика ҳаиашьаратә жәлар нашәыдкыланы, гәык-ҧсык ишәыдысныҳәалоит аҳәынҭқарратә ныҳәа - Ахьыҧшымра алаҳәара Акт адкылара амш.

1992ш. лаҵарамза 29 рзы Иреиҳаӡоу Асовет адепутатцәа ирыдыркылаз Алада Уаҧстәыла Ареспублика Ахьыҧшымра алаҳәаразы Акт Аланиа ихьыҧшым ҳәынҭқарраны ашьақәгылара амҩаҿы ҭоурыхтә шьаҿахеит.      
                      
Ахьыԥшымра анрылаҳәаха аҽны инаркны 29  шықәса рыҩныҵҟала Алада Уаԥстәыла ажәлар знысыз амҩа мариамызт, аха урҭ рыдгьыл гәакьа ахақәиҭра ахьчара рылшеит.
Иахьа Алада Уаԥстәыла Ареспублика – ихьыԥшым, идемократиатәу ҳәынҭқарроуп.

Урыстәылатәи Афедерациа аганахьала Алада Уаԥстәылеи Аԥсны Аҳәынҭқарреи рхьыԥшымра азхаҵара ҳазҭагылоу аамҭазтәи ҳтәылақәа  рҭоурых азы акырӡа зҵазкуа хҭысны иҟалеит. Ҳажәларқәа аҿиаразы, рԥеиԥш агәра ргаразы алшара роуит.  

Ҳаҭыр зқәу Анатоли Илиа-иҧа, ишәзеиӷьасшьоит агәабзиара, агәамч, шәыԥсадгьыл амаҵ аураҟны аихьӡарақәа, Алада Уаԥстәыла ажәлар – аҭынчреи аизҳазыӷьареи»



Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org