Аҧсны Аҳәынҭқарра Ахада

 

Аԥсны Аҳәынҭқарра ауааԥсыра коронавирустә ҿкычымазара COVID-19 рацәыхьчара иазку ауснагӡатәқәа рзы Адҵа

17.05.2021

                                               Аԥсны Аҳәынҭқарра ауааԥсыра коронавирустә ҿкы COVID-19 рацәыхьчара иазку ауснагӡатәқәа рзы  
                                                                                                                
                                                                                                                          АДҴА


Аԥсны Аҳәынҭқарра ауааԥсыра  короновирустә ҿкычымазара Ковид-19 ацәыхьчаразы Акоординациатә штаб азыӡба шьаҭас иҟаҵаны2021ш. лаҵарамза 12 инаркны:

1.    Ауаа рацәа злахәу аусмҩаԥгатәқәа иарку ахыбрақәа рыҟны реиҿкаареи рымҩаԥгареи нагӡазааит Аԥсны Аҳәынҭқарра Агәабзиарахьчара аминистрра ишьақәнарӷәӷәаз Аԥсны Аҳәынҭқарра аҩныҵҟа корновирустә ҿкычымазара Ковид-19 аларҵәара ԥзырҟәҟәаауа анаплакқәа, ауаажәлааратә крыфарҭақәа, акультуреи аспорти русбарҭақәа рыҟны аамҭаԥҵәа азгәазҭо асанитартә-епидемиологиатә ҭахрақәа ишьақәдыргылаз асанитартә-гигиенатә нормақәеи аԥҟарақәеи ӷәӷәала ирықәыршәаны.  
2.    Атәылауаа ирабжьгазааит:  
а) хаҭалатәи ахьчара алзыршо ахархәагақәа (амедицинатә сабрадақәа) рныҟәгара ауаажәларратә ҭыԥқәа рҿы;
б) ауаа рацәа ахьеизо аҭыԥқәа  рахь анеиразы аҽынкылара;
3. Ишьақәырӷәӷәазааит ихымԥадатәиу азеиԥш ҭахрақәа:
1) ауаажәларратә транспорти атаксиқәеи рҟны апассаџьырцәа рныҟәгаразы амаҵзура анагӡара аусхк аҟны:
а)  иаанкылазааит аиндивидуалтә хыхьчагақәа рыда ( амедицинатә  сабрадақәа)  апассаџьырцәа рымҩангара;
б) русура аанкылазааит апассаџьырцәа ныҟәызго амашьынаныҟәцаҩцәа хаҭалатәи ахыхьчага (амедицинатә сабрадақәа) зҿам;
в) аҭыԥантәи администрациақәа ауаажларратә транспорт асалонқәа есҽны адезинфекциа азура алдыршалааит.
2) ахәаахәҭратә усхк аҟны:
а) Аҟәа ақалақьи Аԥсны Аҳәынҭқарра араионқәеи  рҟны афатә аалыҵқәеи,  ақыҭанхамҩеи, амаҭәақәеи рџьармыкьақәа есымчыбжьа (мчыбжьык ахьтә знык еиҵамкәа) ахәаахәҭратә хыбрақәеи ааигәа иҟоу адгьылҵакыреи апрофилактикатә дезинфекциа рызузааит;
б) ахәаахәҭиҩцәа (аусуцәа) рзы  аиндивидуалтә хыхьчагақәа (амедицинатә сабрадақәеи анапҭарԥақәеи) рныҟәгара хымԥадатәизааит.
3) ауааԥсыра рзы амаҵзурақәа рынагӡара аусхк аҟны:
а) астационартә хәаахәҭратә обиектқәеи, амашьынақәа абылтәыҭаҭәарҭатә станциақәеи, ааглыхратәи ауаажәларратәи хыбрақәеи зтәу есымчыбжьа (мчыбжьык знык еиҵамкәа) рнапаҵаҟа иҟоу ахыбрақәеи, урҭ рааигәа иҟоу аҭыԥқәеи рыҟны апрофилактикатә дезинфекциа мҩаԥыргалаааит;  
б) амаҵзура аусхк аҟны аус зуа хаҭалатәи ахыхьчагақәа (амедицинатә сабрадақәа)рныҟәыргара рыдҵазааит.  
4. Аԥсны Аҳәынҭқарра Аҵареи абызшәатә политикеи рминистрреи аҭыԥантәи администрациақәеи аҵарашықәс хыркәшахаанӡа:
а)ахәыҷбаҳчақәеи азеиԥшҵараиурат усбарҭақәеи русура ахылаԥшра арҭалааит ишьақәыргылоу Аԥсны Аҳәынҭқарра аҩныҵҟа  короновирустә ҿкычымазара Ковид-19 алаҵәара алмыршара иазку асанитартә ԥҟарақәеи даҽа ҭахрақәаки рықәныҟәаразы ;
б) иара иаҵанакуа ахәыҷбаҳчақәеи азеиԥшҵараиуратә усбарҭақәеи   иааиԥмырҟьаӡакәа хаҭалатәи ахыхьчагақәеи (амедицинатә сабрадақәа) адезинфекциатә маҭәашьарқәеи рыла еиқәнаршәалааит.
5. Аԥсны Аҳәынҭқарра Агәабзиарахьчара аминистрра:
а) ауааԥсыра адырра рынаҭалааит коронавирустә ҿкы COVID-19 азы авакциналаҵара аԥҟареи аҭагылазаашьақәеи рзы;
б) есымчыбжьа Аԥсны Аҳәынҭқарра Ахадеи Аԥсны Аҳәынҭқарра Аминистрцәа реилазаареи  адырра рыҭалазааит коронавирустә ҿкы COVID-19 азы авакциналаҵара алҵшәақәа рзы.  
6.  Аԥсны Аҳәынҭқарра Агәабзиарахьчара аминистрра Аҳәынҭқарратә санитартә-епидемиологиатә маҵзурала Аԥсны Аҳәынҭқарра Адәныҟатәи аусқәа рминистрра ацхыраарала асанитартә-епидемиологиатә хылаԥшра аобиектқәа ргәаҭара амҩаԥгара алыршазааит.  
7. Аҭакԥхықәра зду ҳәа ишьақәыргылазааит:  
– аҭыԥантәи администрациақәеи Аԥсны Аҳәынҭқарра Агәабзиарахьчара аминистрра Аҳәынҭқарратә санитартә-епидемиологиатә маҵзуреи – абри Адҵа апунктқәа 1, 3 рынагӡараҟны;
– Аҵареи абызшәатә политикеи рзы Аԥсны аҳәынҭқарра аминистрра абри Адҵа апункт 4 анагӡараҟны;
– Аԥсны Аҳәынҭқарра Агәабзиарахьчара аминистрра   - абри Адҵа апункт 5 анагӡараҟны; ;
  Аԥсны Аҳәынҭқарра Агәабзиарахьчара аминистрра Аҳәынҭқарратә санитартә-епидемиологиатә маҵзура – абри Адҵа апункт 6 анагӡараҟны;
8. Аԥсны Аҳәынҭқарра Аҩныҵҟатәи аусқәа рминистрра иара иаҵанакуа азҵаарақәа рҳәаа иҭагӡаны абри Адҵа апункт 7 аҟны иарбоу аҭакзыԥхықәу аусбарҭақәа ирыцхрааит абри Адҵала ишьақәыргылоу аҭахрақәа рынагӡараҟны.  
9. Абри Адҵа амч аиуеит иара анаҵаҩха арыцхә инаркны.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org