Аҧсны Аҳәынҭқарра Ахада

 

Аҧсны Ахада Аслан Бжьаниа официалтә визитла Шьамтәылатәи Арабтә Республика даҭааит

16.05.2021

Аҧсны Ахада Аслан Бжьаниа официалтә визитла Шьамтәылатәи Арабтә Республика даҭааит

Аҧсны Аҳәынҭқарра Ахада Аслан Бжьаниа официалтә визитла Шьамтәылатәи Арабтә Республика даҭааит.

Дамаск Жәларбжьаратәи аҳаиртә баӷәазаҿы Аҧсны Аҳәынҭқарра Ахада иҧылеит Шьамтәылатәи Арабтә Республика Атранспорт аминистр Зухеир Ҳазим, Адәныҟатәи аусқәа рминистр ихаҭыҧуаҩ Аиман Сусан, иара убас Шьамтәыла аиҳабыра егьырҭ ахаҭарнакцәа.

Аҧснытәи аофициалтә делегациа аилазаараҟны иҟоуп: Аҧсны Жәлар Реизара –Апарламент Аиҳабы Валери Кәарҷиа, Ахада Иусбарҭа Анапхгаҩы Алхас Кәыҵниа,  Аҧыза-министр актәи ихаҭыԥуаҩ, ақыҭанхамҩа аминистр Беслан Џьапуа, Аԥыза-министр ихаҭыԥуаҩ, аекономика аминистр Кристина Озган, Адәныҟатәи аусқәа рминистр Даур Ақаҩба, Атуризм аминистр Ҭемраз Хышба, Шьамтәылатәи Арабтә Республикаҿы иҟоу Аҧсны Ацҳаражәҳәаҩ Баграт Хәытаба, Аԥсны Жәлар Реизара - Апарламент Аиҳабы ихаҭыҧуаҩ Левон Галустиан,Аԥсны Жәлар Реизара - Апарламент адепутатцәа:  Омар Џьынџьал, Асҭамыр Логәуа, Илиа Гәниа, Рауль Лолуа, Аԥсны Аҳәынҭқарра Ааглыхратә палата Ахада Тамила Мерцхәлаа.

Аофициалтә визит апрограмма хацыркхоит лаҵарамза 17 инаркны. Иазԥхьгәаҭоуп Аҧсны Аҳәынҭқарра Ахада Аслан Бжьаниеи Шьамтәылатәи Арабтә Республика Ахада Башар Ассади, Арабтә Республика егьырҭ анапхгаҩцәеи реиҧылара.

Авизит аҳәаақәа ирҭагӡаны имҩаҧысуеит Аҧсны-шьамтәылатәи жәларбжьаратәи аиҳабыратә комиссиа актәи аилатәара, Аҧсни Шьамтәылеи апарламентқәа рхантәаҩцәа Валери Кәарҷиеи Ҳаммуд Сабаҳи реиҧылара.

Аҧсны Ахада дырҧылараны дыҟоуп Шьамтәылатәи аҧсуа диаспора, даҭаауеит аинрал Уалид Амаршьан иҳаҭгәын, дрықәшәоит иҭаацәа.

Иазԥхьагәаҭоуп иара убас егьырҭ аиҧыларақәа жәпакы.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org