Ахада инапы аҵаиҩит Аԥсны Аҳәынҭқарра Агәабзиарахьчара аминистр изы Аусԥҟа

Ахада инапы аҵаиҩит Аԥсны Аҳәынҭқарра Агәабзиарахьчара аминистр изы Аусԥҟа


Аԥсны Аҳәынҭқарра Ахада Аслан Бжьаниа лаҵарамза 11 рзы инапы аҵаиҩит Ҭамаз Мурман-иԥа Ҵахнакьиа Аԥсны Аҳәынҭқарра Агәабзиарахьчара аминистр имаҵураҟнытә ихы иақәиҭтәразы Аусԥҟа.

Иара абри Аусԥҟала аҳәынҭқарра Ахада Аԥсны Аҳәынҭқарра Агәабзиарахьчара аминистрс даиҭеит Едуард Валериан-иԥа Быҭәба.


Абиографиа

Быҭәба Едуард Валериан-иԥа диит 1974ш. лаҵарамза 16 рзы , Очамчыра ақ. Аԥснытәи АССР.
1991-1998 ш.ш. рзы аҵара иҵон И.М. Сеченов ихьӡ зху  Москватәи Амедицинатә Академиаҟны, ианашьоуп аҳақьым иквалификациа «ахәышәтәратә ус» азанааҭ ала.
1991 ш. жәабранмза 5 инаркны лаҵарамза 15 –нӡа Очамчыратәи ацентртә раионтә хәышәтәырҭаҿы санитарс аус иуан.
1994 -1996ш.ш.-  И.М. Сеченов ихьӡ зху Москватәи Амедицинатә Академиа аҟны оперативтә ԥҟара акафедра апрепараторс дыҟан.
1998-1999ш.ш.- И. М. Сеченов ихьӡ зху  Москватәи Амедицинатә Академиаҟны дахысуан аклиникатә интернатура «атравматологиа-ортопедиа» азанааҭ ала, атравматологиеи, ортопедиеи, ахирургиеи ркафедраҟны.
1999-2001ш.ш. рзы Сеченов ихьӡ зху Москватәи Амедицинатә Академиа атравматологиеи, ортопедиеи, ахирургиеи ркафедраҟны дахысуан аклиникатә ординатура  «травматологиа-ортопедиа» азанааҭ ала .
2001 ш. рзы Сеченов ихьӡ зху Москватәи Амедицинатә Академиаҟны атравматологиеи, ортопедиеи, анеирохирургиеи ирызкыз асертификациатә курсқәа дырхысит.
2005 ш. рзы апластикитәи ареконструктивтәи  хирургиеи акосметологиеи ирызкыз аинтенсивтә курсқәа дырхысит  РНЦХ абазаҟны, академик  Н.О. Миланов  инапхгарала.  
2006 ш. рзы агериатриазы ГОУ ДПО " Урысгәабзиарахьчара апостдипломтә ҵаразы Урыстәылатәи амедицинатә академиа» абаза аҟны аквалификациа аизырҳаразы акурсқәа дырхысит.
2007-2011 ш. ш. рзы аҵара иҵон Азанааҭтә ҵараиуразы аҳәынҭқарратә усбарҭа «Анапхгараҭаразы аҳәынҭқарратә университет» аҟны, ианашьоуп «аиҿкаара аменџьмент» азанааҭ ала аменеџьер иквалификациа.  
2012 ш. рзы  Н.Н. Пирогов ихьӡ зху  Урыстәылатәи Амилаҭтә Ҭҵаарадырратә Медицинатә университет Урыстәыла Агәабзиарахьчара аминистрра Иреиҳаӡоу азанааҭтә ҵараиуразы Аҳәынҭқарратә биуџьеттә ҵараиурҭаҟны апрофессионалтә  еиҭазыҟаҵара дахысит «Агәабзиарахьчара аиҿкаареи ауаажәларратә гәабзиареи» рзанааҭ ала.
2014 ш. рзы ФГБОУ ДПО «Урыстәыла ФНБА аквалификациа аизырҳаразы аинститут» апрофессионалтә еиҭазыҟаҵара дахысит «гериатриа» апрограммала.
2001-2014 шш. – ақ. Москва Агәабзиарахьчаразы аҳәынҭқарратә усҳәарҭа «Ақалақьтә клиникатә хәышәтәырҭа №67» аҟны аҳақьым атравмотолог-ортопед с аус иуан.
2014-2015 ш. ш. – ФГБУ «Урыстәылазегьтәи аҭҵаарадырра-методикатә геронтологиатә центр» аҟны амедицинатә усхк ала адиректор ихаҭыԥуаҩыс дыҟоуп, ақ. Москва.
2015 ш. жәабранмза 14 инаркны мшаԥымза 21-нӡа аус иуан ФБУЗ «Агигиенеи аепидемиологиеи рфедералтә центр» аҟны аконтракттә маҵзура анапхгаҩыс, ақ. Москва.
2016 ш. инаркны иахьа уажәраанӡа абизнес инапы алакуп.
Аԥсны Аџьынџьтәылатә еибашьра анцоз 1992-1993ш.ш. рзы аус иуан Гәдоуҭа ақалақь арратә госпиталь аҟны.

Дҭаацәароуп, ҩыџьа ахшара драбуп.



        


Возврат к списку