Ахада инапы аҵаиҩит Аԥсны Ахада Иадминистрациа анапхгаҩы ихаҭыԥуаҩ изы Аусԥҟа

Аԥсны Аҳәынҭқарра Ахада Аслан Бжьаниа инапы аҵаиҩит Аԥсны Аҳәынҭқарра Ахада анапхгаҩы ихаҭыԥуаҩ изы Аусԥҟа.

Аусԥҟа атекст аҟны, ҷыдала, иҳәоуп:

«Ихы дақәиҭтәызааит Џьансыхә Едуард-иԥа Нанба Аԥсны Аҳәынҭқарра Ахада анапхгаҩы ихаҭыԥуаҩ имаҵураҟнытә даҽа усурак ахь ииагара инамаданы».

Егьи Аусԥҟала аҳәынҭқарра Ахада Аԥсны Аҳәынҭқарра Ашәахтәқәеи аизгатәқәеи рзы аминистрс даиҭеит Џьансыхә Едуард-иԥа Нанба.


Возврат к списку