Аҧсны Аҳәынҭқарра Ахада

 

Ахада Ҭамаз Ҵахнакьиа иҭабуп ҳәа еиҳәеит имҩаԥигаз иусуразы

11.05.2021

Ҭамаз Ҵахнакьиа иҭабуп ҳәа еиҳәеит имҩаԥигаз аусуразы, иагьианеишьеит    «Ахьӡ-Аԥша» аорден III аҩаӡаразы.

"Анапхгара аӡбара аднакылеит агәабзиарахьчара асистемаҟны шәлагаламҭазы иреиҳаӡоу аҳәынҭқарратә ҳамҭа шәанашьаразы. Иаҭахны ишәыԥхьаӡар, даҽа маҵурак аҟны аусеицура иацаҳҵоит. Иҭабуп ҳәа шәасҳәоит зегьы ҳзы иуадаҩыз аамҭазы ижәбаз аџьабаазы»,- иҳәеит аҳәынҭқарра Ахада.

«Агәабзиарахьчара аусхк аҟны, апрофессионализм ҳаракы азы, коронавирустә ҿкы COVID-19 алаҵәара ацәыхьчаразы ақәԥараҟны илагаламҭазы Ҵахнакьиа Ҭамаз Мурман-иԥа ианашьазааит «Ахьӡ-Аԥша» аорден III аҩаӡара», - азгәаҭоуп Аусԥҟаҟны.

Ҭамаз Ҵахнакьиа Ахада иҭабуп ҳәа еиҳәеит ианаршьаз аҳамҭазы, имҩаԥигаз аусура ахә ашьаразы. «Иҭабуп ҳәа шәасҳәоит сџьабаа хәыҷы иашәҭаз ахәшьара ҳаракы азы.  Сколлегацәагьы саргьы абри аҭагылазаашьа уадаҩ аан ҳзанааҭтә уал наҳагӡон ауп. Гәахәаран шәара шәнапхгарала аусура. Агәра згоит аусура ишацҵахо, зегьы шыбзиахо»,- иҳәеит Ҵахнакьиа.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org