Аҧсны Аҳәынҭқарра Ахада

 

Аџьынџьтәылатә еибшьра ду аҟны Аиааира амш инамаданы Ахада иҟнытә ааԥхьара

09.05.2021

Аԥсны Аҳәынҭқарра Ахада Аслан Бжьаниа Аџьынџьтәылатә еибашьра ду аҟны Аиааира амш инамаданы аветеранцәеи Аԥсны жәлари рахь ааԥхьара ҟаиҵеит.

"Ҳаҭыр зқәу Аџьынџьтәылатә еибашьра Ду аветеранцәа, ҳауаажәлар! Ишәыдысныҳәалоит Аиааира Ду амш ныҳәа!

Агәышьҭыхреи ацәаҩашәа ҳаракы амч зцу Аиааира амш хҭәыла абиԥарақәа зегьы еимаздо ныҳәоуп, ҭаацәарацыԥхьаӡа, хаҭа-хаҭала зегьы рлахьынҵа иузаҟәымҭхо иалоу мшуп. Ҳарҭ еснагь иаҳгәалашәоит ахақәиҭра азықәԥаҩцәа рфырхаҵара, анацизм ԥыххаа иқәҵаны, хамеигӡарада Аԥсадгьыл  аиқәырхаразы игылаз. Иахьа Аԥсадгьыл ахьчаҩцәа –аветеранцәа иаадырԥшыз агәымшәареи афырхаҵареи рҿырԥшы ҳазгәдуны ҿыц игыло абиԥарақәа ирылаҳааӡалоит.

Ҳрызгәдууп иара убас Аиааира ду аҟны злагаламҭа ыҟоу Аԥсны аҵеицәагьы. Аибашьраҟны аӷа иҿагыларазы Аԥсны иалҵны афронт ахь ицаз рхыԥхьаӡара ҩынҩажәижәаба нызқьҩык иреиҳауп. Урҭ рыҟнытә 17-нызқьҩыык инареиҳаны аибашьра адәаҿы иҭахеит, 22-ҩык Асовет Еидгыла Афырхаҵа ҳәа иреиҳаӡоу ахьӡ рыхҵоуп. Ҳхырхәоит 1945 шықәсазы лаҵарамзазтәи Аиааира иахьымӡаз ргәалашәара аҿаԥхьа. Лахьеиқәҵарала, ҳаҭырла иаҳгәалаҳаршәоит ари аибашьра хлымӡаах иалаӡыз зегьы.

Асовет солдаҭ ифырхаҵара ҿырԥшыганы иҟалеит 1992-93шш. рзы Аԥсны жәлар рџьынџьтәылатә еибашьраангьы.  Убри аҟынтә иага шәышықәса царгьы Аԥсны жәлар ирылшароуп ҳаԥсадгьыл ахьчаразы ақәԥараҟны иаҳгаз Аиааира ду аиқәырхара, ԥсыцқьала амци аҭоурыхтә фактқәеи реицакра иацәыхьчалатәуп.
  
Акыр иаԥсоу аветеранцәа, акыраамҭа шәҳагмыз, насыԥ шәымаз, шәажәра шкәакәазааит! Акыршықәсала игыло абиԥара ҿыцқәа апатриотизми Аԥсадгьыл абзиабареи рылааӡара аус шәалахәыз. Агәабзиара, агәамч, ақәранҵыра ду анцәа ишәаҭәеишьааит! Аиааира Ду амш шәадныҳәалаз!"


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org