Аҧсны Аҳәынҭқарра Ахада

 

Аслан Бжьаниа Владимир Путин Аиааира амш идиныҳәалеит

07.05.2021

Аԥсны Аҳәынҭқарра Ахада Аслан Бжьаниа Урыстәылатәи Афедерациа Ахада Владимир Путин Аџьынџьтәылатә еибашьра ду аҟны Аиааира амш идиныҳәалеит.

Адныҳәаларатә цҳамҭаҟны иҳәоуп:  

"Ҳаҭыр зқәу Владимир Владимир-иԥа!

Гәык-ԥсыкала ишәыдысныҳәалоит  Аџьынџьтәылатә еибашьра ду аҟны Аиааира амш.  

Аиааира Ду амшныҳәа – лаҵарамза 9   - ихадоу, убри аангьы илахьеиқәҵагоу аныҳәақәа ируакуп.  Абри амш аҽны ҳаҭырла иаҳгәалаҳаршәоит ауаатәҩса афашизм рацәызыхьчара зхы ақәызҵаз миллионла асовет солдаҭцәа.

Урҭ ргәалашәара лаша ахааназы инхоит ҳара ҳаҟнеиԥш, аԥхьаҟатәи абиԥарақәа рыгәқәа рҟынгьы. Ари ҳажәларқәа ирзеиԥшу Иааираны, ҳаззыгәдуу ҳзеиԥш ҭоурыхны иҟалеит.    

Ҳаҭыр дула срыдныҳәалоит урыстәылатәи Аџьынџьтәылатә еибашьра ду аветеранцәа. Ирзеиӷьасшьоит агәабзиара, агәамч, ақәранҵыра ду.  
Аҭоурых аиҭакра иага рҽазыркыргьы, лаҵарамза 9 – Аиааира амш ароль ладырҟәырц и алагаргьы – Аиааира Амш зегьы бзиа еицырбо,  акырӡа зҵазкуа ныҳәа дуӡӡаны инхоит. Ари аус  аҟны Шәара хаҭала шәылшамҭа рацәоуп.
  
Ҳаҭыр зқәу Владимир Владимир-иԥа, абри аныҳәамш аҽны ишәзеиӷьасшьоит агәабзиара, Аԥсадгьыл амаҵураҟны аихьӡарақәа, Урыстәыла ажәлар – аҭынҷра, аизҳазыӷьара".


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org