Аҧсны Аҳәынҭқарра Ахада

 

Ахада Москватәии Урыстәыла зегьтәии Иԥшьаӡоу Апатриарх Кирилл Мшаԥныҳәа лаша идиныҳәалеит

02.05.2021

Аԥсны Аҳәынҭқарра Ахада  Аслан Бжьаниа Москватәии Урыстәыла зегьтәии Иԥшьаӡоу Апатриарх Кирилл Мшаԥныҳәа лаша идиныҳәалеит.

Адныҳәаларатә цҳамҭаҟны, ҷыдала, иҳәоуп:

«Иԥшьаҳаракыра, Иԥшьаӡоу Москватәии Урыстәыла зегьтәии
Иԥшьаӡоу Апатриарх Кирилл  ишҟа
Шәыԥшьаҳаракыра! Гәык-ԥсыкала ишәыдысныҳәалоит ауаатәҩса абзиабареи аҳәоуеиқәшәареи рзаазго анцәахаҵареи аԥсҭазаареи ирныҳәоу Мшаԥы лаша аныҳәа.
Абри аныҳәамш аҽны Аԥсни Урыстәылеи рыжәларқәа ҷыдала рдоуҳатә акра ӷәӷәахоит.
Аурыс Иашахаҵаратә Ныха имҩаԥнаго аусура аҵакы дуӡӡоуп аиашахаҵаратә дунеи аҟны асоциалтә ҭышәынтәалареи аизыразреи рышьақәыргылараҟны.
Урыстәыла аиашахаҵаратә қьырсианцәа зегьы ирзеиӷьасшьоит  Анцәа илԥха, адоуҳамч, агәабзиара,  мшаԥныҳәазтәи агәырӷьара.  
Шәара Шәыԥшьаҳаракыра, мшаԥазтәи  амшқәа ирхылҵуа алашара ишәнаҭааит агәеизҳара,  шықәсарацәала лыҵшәазмоу  анцәамаҵзура.

  Агәра згоит Шәара имҩаԥыжәго акырӡа зҵазкуа аусқәа рыла Аԥсни Урыстәылеи рыжәларқәа   ақьырсиан ҵасқәа шьаҭас измоу реиҩызареи рыгәреибагареи есааира ишыӷәӷәахало, ишыҿиало.
Игылаз Иаса Қьырса илԥха ишәнаҭааит агәамч, ақәранҵыра ду.».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org