Ахада Урыстәылатәи Афедерациахь иусуратә ныҟәара хыркәшоуп

Аҧсны Аҳәынҭқарра Ахада Аслан Бжьаниа Урыстәылатәи Афедерациахь иусуратә ныҟәарақәа хыркәшоуп. Аҳәынҭқарра Ахада Аҧсныҟа дхынҳәит.

Аҧсны Ахада Москва имҩаԥысуаз иусуратә рыҟәараан дырҧылеит Урыстәылатәи  Афедерациа Ахада Иусбарҭа Анапхгаҩы ихаҭыҧуаҩ Дмитри Козак, аҳаиртә транспорт Афедералтә маҵзура анапхгаҩы, Урыстәылатәи аҳәынҭқарратә ҧгаҧса адиректор хада, Урысхархәарахылаҧшра анапхгаҩы уҳәа урыстәалатәи амчрақәа егьырҭ рхаҭарнакцәа.  

Ахада Аҧсныҟа ихынҳәра аламҭалазы даҭааит Никита Михалков  испектакль "12" апремиера. Уи мҩаҧысит Атеатр ду аҭоурыхтә сценаҿы, еицырдыруа арежиссиор ииубилеи иазкын.

Аспектакль "12" хореографс дамоуп ансамбль "Амцабз" анапхгаҩы Лаша  Марыхәба, ачечен рҧыс ироль наигӡоит Рамиз Киалбиев - ансамбль "Амцабз" аҵаҩы, акәашаҩ.
Лаша  Марыхәба 2007 шықәсазы  Никита   Михалков ифильм "12" аҟны иҽҭихуан.


Возврат к списку