Аҧсны Аҳәынҭқарра Ахада

 

Ахада Аԥсны иқәынхо аерман диаспора дрыдышшылеит аерманцәа ргеноцид иалаӡыз ргәалашәара амш инамаданы

24.04.2021

Аԥсны Аҳәынҭқарра Ахада Аслан Бжьаниа Аԥсны инхо аерман диаспора дрыдышшылеит аерманцәа ргеноцид иалаӡыз ргәалашәара амш инамаданы.  

«Илахьеиқәҵагоу амш аҽны гәыкала срыдышшылоит Аԥсны иқәынхо аерманцәа рдиаспора ахаҭарнакцәа, аерман жәлар зегьы.

Иахьа ҳаҭырла иаҳгәалаҳаршәоит ХХ ашәышықәса алагамҭазтәи ахҭыс бааԥсқәа ирылаӡыз.

Арҭ ахҭысқәа хашҭра рықәымзароуп, игыло абиԥарақәа рҟынӡа рнагаразы, раԥхьа иргыланы, урҭ еиҭа иҟамларазы.  

       Аерманцәа аӡәырҩы хыҵакырҭас усҟан ироуит Аԥсны. Иахьа урҭ рышьҭахь игылаз абиԥарақәа Аԥсны атәылауаҩра аԥсахарала аԥсуа ҳәынҭқарра аргылареи арӷәӷәареи рыҟны рлагаламҭа маҷӡам.  

        Аԥсны иҟоу аерман диаспореиԥш, аерман жәлар зегьы ирзеиӷьасшьоит аҭынчра, аизҳазыӷьара».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org