Аҧсны Аҳәынҭқарра Ахада

 

Имҩаԥысит Аслан Бжьаниеи аҳаиртә транспорт Афедералтә маҵзура анапхгаҩы Александр Нерадькои русуратә еиҧылара

21.04.2021

Иахьа урыстәылатәи авиациаҿы имҩаҧысит Аҧсны Аҳәынҭқарра Ахада Аслан Бжьаниеи аҳаиртә транспорт Афедералтә маҵзура анапхгаҩы Александр Нерадькои русуратә еиҧылара.

Ирылацәажәеит Аҧсны Аҳәынҭқарра авиаеимадара аиҭашьақәыргылара иадҳәалаз азҵаарақәа.

Хықәкыла иазааҭгылеит аҳаиртә баӷәаза аҳаиртә баӷәаза аинфраструктура аобиектқәа​ реиҭашьақәыргыларазы апроект-ҧшааратә усурақәа реиҿкаара азҵаатәқәа.

Ҳазҭагылоу аамҭазы иаҧҵоуп аурыс-аҧсуа специалистцәа злахәу аусуратә гәыҧ.​

Имҩаҧысуеит аобиект апроект-ҧшааратә усурақәа ралагара азырхиара иазку  аусурақәа. Аҳаиртә баӷәаза аоперациатә усура аиҿкааразы ихымҧадатәиу амыруга аексперттә хәшьара аҭара цоит.

Аҧсны Аҳәынҭқарра аҳаиртә закәанҧҵара аусхк аҟны иахәҭоу адокументқәа реиқәыршәара нап рылакуп. Ирылацәажәеит Авиациатә специалистцәа разыҟаҵаразы азҵаарақәа.

Аиҧылара алҵшәақәа рыла атәылауаҩратә авиациа аусхк аҟны Аганқәа хаҳара​ злоу аусеицура шьақәдырӷәӷәеит.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org