Аҧсны Аҳәынҭқарра Ахада

 

Аслан Бжьаниа Башар Аль-Асад Шьамтәыла Ахьыҧшымра амш идиныҳәалеит

19.04.2021

Аҧсны Аҳәынҭқарра Ахада Аслан Бжьаниа Башар Аль-Асад Шьамтәылатәи Арабтә Республика Ахьыҧшымра амш идиныҳәалеит.

Адныҳәаларатә цҳамҭаҿы иазгәаҭоуп:

Ҳаҭыр зқәу Ахада!

Аҧсны жәлар рыхьӡала, хаҭала сара сыхьӡала ишәыдысныҳәалоит Шьамтәылатәи Арабтә Республика Ахьыҧшымра 75-шықәса ахыҵра.
Абри аамҭа аҩныҵҟа Шәара шәыжәлар аҧышәара дуқәа ирыниеит, аха есқьынгьы хьыӡла-ҧшала урҭ ириааины ахьыҧшымра ахьчара рылшон.
Иахьа Шьамтәыла ажәлар рабацәа рҧышәа, рфырхаҵара ргәы азҭанаҵоит рыдгьыл аҟны аҭынчра ашьақәыргылара иазку рықәҧараҟны.  
Ҳҳәынҭқаррақәа рыбжьара адипломатиатә еизыҟазаашьақәа анышьақәгыла арыцхә инаркны хышықәса хаҭәааны ишымҵхьогьы, аҧсуа жәлари шьамтәылатәи ажәлари еидызкыло акәны иҟоуп акыр шықәсқәа раахыс ирыбжьоу аиҩызара.  
Ҳара ҳажәлар ахә ҳаракны иршьоит ҳтәылақәа ирыбжьоу аполитикатә диалоги аиҩызара иашеи, агәрагьы згоит агәреибагара шьаҭас измоу Аҧсни Шьамтәылеи русеицура аҧхьаҟагьы гәацҧыҳәарала аҿиара шаиуазы.  
Ҷыдала агәахәара унаҭоит ҳполитикатә диалог аҭҵаарадырра, аҵараиура, абизнес, атуризм, акультура, аспорт русзуҩцәа рыбжьара аимадарала  иахьхаҭәаауа.
  Ҳаҭыр зқәу Ахада, аҭагылазаашьа схы иархәаны, ишәзеиҕьасшьар сҭахуп аҭакҧхықәра ду змоу аамҭазы нҵәара зқәым агәамч, агәабзиара, аихьӡарақәа Шьамтәылатәи Арабтә Республика ажәлар реизҳазыҕьара иазку шәусураҟны, Шьамтәыла ажәлар – аҭынчра, аҿиара, анасыҧ.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org