Аҧсны Аҳәынҭқарра Ахада

 

Ахада Урыстуризм ахаҭарнакцәа идикылеит

09.04.2021

Аԥсны Аҳәынҭқарра Ахада Аслан Бжьаниа атуризм азы Урыстәыла  Афедералтə маҵзура Ауаажəларратə еидгыла ахантəаҩы Дмитри Давыденкои атуристцəа Урыстəылазегьтəи реидгыла аусбарҭа ахантəаҩы Роман Бобылиови дырԥылеит.

Ирылацəажəан 2021 шықəсазтәи атуристтə аамҭа лыҵшәақәас иаиуеи, Урыстəыла атəылауаа  рыҧгаҧсареи, иара убас ҳазҭоу ашықəс лаҵарамзазы Аҧсны имҩаҧысраны иҟоу  атуристтə Форуми ирыдҳәалоу азҵаарақəа.

Асасцəа аҧсшəа раҳəо, Ахада иазгəеиҭеит, атуризм Аҧсны аекономика хадара злоу аусхкқəа ируакны ишыҟоу. “Ҳара ҳаҟны ари аусхк аганахьала еиуеиҧшым апроцессқəа мҩаҧысуеит, џьара-џьара алҵшəа бзиақəа риоура ҳалҳаршеит, аха иҟоуп зыӡбара аҭаху ауадаҩрақəагьы. Жəаҳəарада,  ҳарҭ атуризм арҿиара хықәкыс иҳамоуп, иара убас  абри ахырхарҭала Урыстəылатəи Афедерациа аус ацурагьы ҳҭахуп”,- иҳəеит атəыла Ахада.

Аҧсны атуризм аминистр Ҭемраз Хышба иҳәеит лаҵарамзазы Урыстəылатəи Ауаажəларратə еидгыла алархәны атуристтə форум аицымҩаҧгара шазгəаҭоу.  Иҳəеит ареспублика лассы иааиуа атуристə аамҭа аан алҵшəа бзиақәа ишазыԥшу.  

Аиҧылараҟны ирылацəажəан аҧсны-урыстәылатәи атуристə усеицзура иазкыз егьырҭ азҵаарақəагьы.  



Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org