Аҧсны Аҳәынҭқарра Ахада

 

Ахада Виктор Садовничи имшира идиныҳәалеит

03.04.2021

Аҧсны Аҳәынҭқарра Ахада Аслан Бжьаниа М. В. Ломоносов ихьӡ зху Москватәи аҳәынҭқарратә университет аректор Виктор Садовничи имшира идиныҳәалеит.

Адныҳәаларатә цҳамҭаҟны иҳәоуп:

“Ҳаҭыр зқəу Виктор Антон-иҧа!

Шəира мшы инамаданы гəык-ҧсыкала ишəыдышəкыл ҳадныҳəалара.

Урыстəылатəи Афедерациа аҟнеиҧш, уи анҭыҵгьы Шəара шəырдыруеит абаҩхатәра злоу аҵарауаҩ, аҧышəа змоу арҵаҩы, зыпрофессионалтә ҩаӡара ҳараку анапхгаҩы иаҳасабала.

Шəара шəнапхгарала Москватəи аҳəынҭқарратə университет урыстəылатəи иреиҳаӡоу аҵараҟны аҧхьагылара змоу ахьӡ шьақəнарҕəҕəахьеит, адунеи аҟны иреиҕьу ауниверситетқəа ирхыҧхьаӡалоуп. Алагаламҭа дууп Москватəи аҳəынҭқарратə университет зыҩаӡара ҳараку аспециалистцəа разыҟаҵараҿы, афундаменталтə ҭҵаррадыррақəа рыҿиараҟны.

Аҧсны Шəара иаҧсоу аҳаҭыри ахьӡи шəымоуп. Иҭабуп ҳəа шəаҳҳəоит ҳтəыла аамҭа уадаҩ ианҭагылаз, аибашьра анцози уи ашьҭахьтəи ашықəсқəеи рзы Аҧснынтə абитуриентцəа аҵарадырра аусхк аҟны ацхыраара ахьрышəҭоз азы.  

Ахә ашьара уадаҩуп ААУ адгылареи ацхыраареи иашəҭо рзы. Имаҷым ихадоу Урыстəыла иреиҳау аҵараиурҭа иалганы еиуеиҧшым ахырхарҭақəа рыла Аҧсны Аҳəынҭқарра амаҵ азызуа аушьҭымҭацəа рхыҧхьаӡара.

  Ҳаҭыр зқəу Виктор Антон-иҧа, ишəзеиҕьасшьоит агəабиара, аихьӡарақəа шəнапы злаку урыстəылатəи аҵареи аҵарадырреи рыхьӡала”.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org