Аҧсны Аҳәынҭқарра Ахада

 

Ахада урыстәылатәи ашьапылампыласҩцәа рыклуб «Зенит» аделегациа идикылеит

26.03.2021

Ахада урыстәылатәи ашьапылампыласҩцәа рыклуб «Зенит» аделегациа идикылеит

Аԥсны Аҳәынҭқарра Ахада Аслан Бжьаниа урыстәылатәи ашьапылампыласҩцәа рыклуб адиректорцәа рхеилак Ахантәаҩы Елена Илиухина напхгара ззылуаз аклуб «Зенит» аделегациа идикылеит.

Аделегациа аилазаараҟны иҟан «Зенит» адиректор хада Александр Медведев, уи ихаҭыԥуаҩ Максим Погорелов, АР «Зенит»  азыҟаҵаҩцәа рыквалификациа ашьҭыхра ацентр адиректор Сергеи Морозов.

Ахада АК «Зенит» анапхгара иҭабуп ҳәа реиҳәеит Аԥснытәи ашьапылампыласҩцәа ҿарацәа разыҟаҵараҟны иҟарҵо ацхырааразы.  

«Аус бзиа шәнапы алакуп, иҭабуп ҳәа шәаҳҳәоит», - иҳәеит Аслан Бжьаниа.

Аиԥылараан ирылацәажәан ареспубликаҟны ашьапылампыласра аҿиара азҵаареи еицырыдруа аклуб «Зенит» аусацура иамоу аҵак дуи ртәы.  

Ахада асасцәа иранеишьеит агәаларшәагатә ҳамҭақәа.  


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org