Аҧсны Аҳәынҭқарра Ахада

 

Аслан Бжьаниа Сергеи Лавров Имшира идиныҳәалеит

21.03.2021


Аԥсны Аҳәынҭқарра Ахада Аслан Бжьаниа Урыстәылатәи Афедерациа Адәныҟатәи аусқәа рминистр Сергеи Лавров имшира идиныҳәалеит.

Адныҳәаларатә цҳамҭаҟны иҳәоуп:

Ҳаҭыр зқәу Сергеи Виқтор-иԥа!

Гәык-ԥсыкала ишәыдысныҳәалоит Шәымшира.  

Шәара шықәсырацәала имҩаԥыжәго амаҵзура адипломатиатә ҟазара ду иаҿырԥшыганы иҟоуп.  Аҵак дуӡӡа амоуп шәыԥсадгьыл Урыстәыла аинтересқәа рыхьчара иазку шәусура. Шәара хаҭалатәи шәусутә ҷыда ҟазшьақәа, иаашәырԥшуа ахачҳара, азҵаара ацәхьамҵра, агәаӷьра,  ишәымоу, зеиԥш маҷу аусуралшара ирыбзоураны еихьӡарала ишәыӡбоит зымаҵ жәуа Урыстәыла аҳәынҭқарра адәныҟатәи аполитикаҟны ицәырҵуа акыр иуадаҩу ауснагӡатәқәа.
Аԥсны ахә ҳаракны иршьоит Шәара хаҭалатәи шәлагаламҭа аԥсны-урыстәылатәи аизыҟазаашьақәа рыҟны. Аԥсны жәлар рзы Шәара ҳаҭыр зқәу аҳәынҭқарратә усзуҩцәа шәыруаӡәкуп.  

Азин сышәҭозар, гәыкала иҭабуп ҳәа шәасҳәар сҭахуп Аԥсны Аҳәынҭқарра жәларбжьаратәи аренаҟны аинтересқәа рыхьчаразы шәылшамҭақәа рзы.
  
Ҳаҭыр зқәу Сергеи Виқтор-иԥа, ишәзеиӷьасшьоит агәабзиара, агәамч, аԥхьаҟагьы аихьӡарақәа Урыстәылатәи Афедерациа амаҵураҟны.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org