Аҧсны Аҳәынҭқарра Ахада

 

Ахада Аҧсны жəлар рахь ааҧхьара ҟаиҵеит хәажәкырамзазтәи ажəылара 28 ш. ахыҵра инамаданы

15.03.2021

Аҧсны Аҳәынҭқарра Ахада Аслан Бжьаниа Аҧсны жəлар рахь ааҧхьара ҟаиҵеит хәажәкырамзазтәи ажəылара 28 ш. ахыҵра инамаданы.

Ааҧхьара атекст аҟны иҳəоуп:
                        

“Ҳаҭыр зқəу ҳауаажәлар!

Иахьа ҳара иазгəаҳҭоит  Аҧсны Аџьынџьтəылатə еибашьра аҭоурых аҿы итрагедиахаз, аха убри аангьы афырхаҵара ду зцу арыцхə.

28 шықəса раҧхьа, 1993ш. хәажәкырамза 15 рзы аибашьцəа Гəмысҭатəи афронт аибашьцәа мҽхакы ҭбаала ажəылара мҩаҧыргеит Аҟəа ақалақь ақырҭуа мпыҵахалаҩцəа рҟынтə  ахақəиҭтəразы.
Аҧсуа архəҭақəа Гəмысҭа аӡы ирны Аҧсны аҳҭнықалақь азааигəара астратегиатə ҵакы змаз аҳаракырақəа рнапаҟны иааргеит, гəыҧқəак ақалақь агəы алалара рылшеит.

Аҧсны Аџьынџьтəылатə еибашьра аҭоурых аҿы Хәажәкырамзазтәи ҳəа зыхьӡхаз ажəыларааан аҿы аҧсадгьыл ахьчаҩцəа зеиҧш ыҟам афырхаҵареи агəымшəареи аадырҧшит, аҕацəа ртехникеи дареи ааха ҕəҕəа рырҭеит.

Рыцҳарас иҟалаз, ажəылара ахықəкы азынамыгӡеит, ҳаибашьцəа ҧхьаҵыр акəхеит.

Ари ажəылараҿы иҭахеит 200-ҩык инареиҳаны ҳаибашьцəа, шəҩыла ахəрақəа роуит, 20-ҩык инареиҳаны хабарда ибжьаӡит.

Афырхацəа зыҧсҭазаара Аҧсны ахақәиҭра иахҭнызҵаз ргəалашəара аҿаҧхьа.
шырҭахыз.

Афырхацəа рыхьӡ кашəара ақəым!"


  


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org