Ахада Португалиа ITF атурнир аҟны аиааира згаз Ален Аҩӡба дидныҳәалеит

Аԥсны Аҳәынҭқарра Ахада Аслан Бжьаниа Португалиа имҩаԥысуаз ITF атурнир аҟны аиааира згаз Ален Аҩӡба дидныҳәалеит.

Адныҳәалара атекст аҟны иҳәоуп:

«Акыр иаԥсоу Ален, сара, ҳтәыла ауааԥсыра зегьы реиԥш, гәахәарыла, гәадурыла исыдыскылеит хьӡы змоу жәларбжьаратәи аицлабраҟны иугаз аиааира иазку ажәабжь.
Аԥсны зегьы азҿлымҳареи адгылара дуи  рырҭоит уара уеихьӡарақәа, иугаз аиааира Ҳаԥсадгьыл аиааира аҳасабала иҳадаҳкылоит.

Агәра згоит аԥхьаҟа иреиӷьу аихьӡарақәа  шуԥзыԥшу.
  
Аринахысгьы аманшәалара, аиааирақәа уԥеиԥшзааит».  


Возврат к списку