Аҧсны Аҳәынҭқарра Ахада

 

Ахада Урыстәыла амедицинатә ҽгәаҭара анаҩс Аԥсныҟа дхынҳәит

07.03.2021

Аԥсны Аҳәынҭқарра Ахада Аслан Бжьаниа Урыстәыла амедицинатә ҽгәаҭара анаҩс  хәажәкырамза 7 рзы Аԥсныҟа дхынҳәит.
Уи аҽны аҳәынҭқарра Ахада Аминистрцәа реилазаара анапхгара алархәны аилацәажәара мҩаԥигеит.  

Аԥыза-министр аамҭала инапынҵақәа назыгӡо Владимир Делба Ахада адырра ииҭеит коронавирус инамаданы иҟоу аҭагылазаашьазы, иара убас иҳәеит 2021 шықәсазтәи аҳәынҭқарратә биуџьет апроект ахәаԥшразы апарламент адепутатцәеи дареи реилацәажәара атәы.  

Аԥыза-министр ихаҭыԥуаҩ, аекономика аминистр Кристина Озган илҳәеит хәажәкырамза 5 рзы «Кавкасиони» ацәаҳәаҟны ицәырҵыз атехникатә проблемақәа ирыхҟьаны фымцала аиқәыршәараҟны иҟоу аиԥҟьарақәа ртәы.
Хәажәкырамза 6 рзы «Амшынеиқәафымцамч» анапхгареи аспециалистцәеи Кавкасиони ацәаҳәа аԥсуа ган иахьаҵанакуа аҭыԥ гәарҭеит. Аԥхасҭа шамамызгьы рбеит.  Иахьа ақырҭуа аган аҟны   Кавкасиони ацәаҳәа иамаз аԥхасҭа аԥыхын, ҳазҭагылоу аамҭазы ацәаҳәа аиҭашьақәыргылара иазку аусурақәа хыркәшахоит.  


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org