Аԥсны Аҳәынҭқарра Ахада Аслан Бжьаниа имҩаԥигеит азинхьчаратә усбарҭақәа русура алҵшәақәа реиӷьтәра иазку ауснагӡатәқәа разырхиаразы аусуратә гәыԥ актәи аилатәара.
Аусуратә гәыԥ аилатәара аартуа, аҳәынҭқарра Ахада иазгәеиҭеит:
«Ҳаҭыр зқәу аколлегацәа!
Азинхьчаратә усбарҭақәа русура алҵшәақәа реиӷьтәра иазку аусуратә гәыԥ раԥхьаӡакәны аилатәара мҩаԥысуеит. Ари аусура мариаӡам, ара иаҭахуп азҿлымҳара ду, адыррақәа, аԥышәа, агәаӷьра, афинанстә лшарақәа. Сара даара сгәыӷуеит агәыԥ еффективла аусура мҩаԥнагап ҳәа. Ари атема сара исзааигәоуп, иагьеилыскаауеит азы аӡәы ҳәа саргьы аҽалархәра сазхиоуп. Шәара ибзианы ижәдыруеит аҳәынҭқарра – ари зинуп. Ҳара азакәан ишьақәнаргыло иалкаау аԥҟарақәа ҳрықәныҟәозароуп.
Ҳара ҳаҟны азинтә культура еиҵегь еиӷьзар ҳҭахуп, ҳара ари акультура ҳтәылауаагьы ҳаргьы иҳалааҳаӡароуп. Ари даара аҵанакуеит. Азинхьчаратә усбарҭақәа русура алҵшәақәа реиӷьтәра иазку ауснагӡатәқәа разырхиаразы аусуратә гәыԥ аԥҵоуп аҳәынҭқарра Ахада Идҵала. Уи хантәаҩыс даҭоуп Ашәарҭадара Ахеилак Амаӡаныҟәгаҩ Сергеи Шамба.
Аилатәара иалахәын Ашәарҭадара Ахеилак Амаӡаныҟәгаҩ Сергеи Шамба, Ахада Иадминистрациа Анапхгаҩы ихаҭыԥуаҩ Саида Быҭәба, Аиустициа аминистр Анри Барцыц, Аҩныҵҟатәи аусқәа раминистр Дмитри Дбар, Аҳәынҭқарратә шәарҭадара амаҵзура аамҭала Ахантәаҩы инапынҵақәа назыгӡо Роберт Киут, Апрокурор хада актәи ихаҭыԥуаҩ Дамир Кәыҵниа, Атәылахьчареи ашәарҭадареи рзы апарламенттә еилакы Ахантәаҩы Илиа Гәниа, Иреиҳаӡоу аӡбарҭа аӡбаҩ Ада Касланӡиа".