Алексеи Двинианин Аслан Бжьаниа Аиааиреи Ахьыҧшымреи рымш идиныҳәалеит

Алексеи Двинианин Аслан Бжьаниа Аиааиреи Ахьыҧшымреи рымш идиныҳәалеит

Аҧсны Аҳәынҭқарраҟны иҟоу Урыстәылатәи Афедерациа Ацҳаражәҳәаҩ Алексеи Двинианин Аҧсны Аҳәынҭқарра Ахада Аслан Бжьаниа Аиааиреи Ахьыҧшымреи рымш идиныҳәалеит.

Адныҳәалараҟны, ҷыдала, иҳәоуп:

«Ҳаҭыр зқәу Аслан Гьаргь-иҧа,
Гәык-ҧсыкала ишәыдысныҳәалоит Аиааиреи Аҧсны Аҳәынҭқарра Ахьыҧшымреи рымш!

Цәыббрамза 30 рзы ҳара иаҳгәалашәоит аиааира зцу, Нхыҵ Кавказ агеополитикатә ҭагылазаашьа зыҧсахыз 1993 шықәсазтәи афырхаҵаратә хҭысқәеи адунеи зегьы иазырбаз аҧсуа жәлар ахьыҧшымразы, иара ахатәы мҩа ылхны ацаразы ирымаз агәазыҳәареи ртәы.  
  
  1992-1993 шш. рзы Аҧсны жәлар иаадырҧшыз агәымшәареи афырхаҵареи ирыбзоураны ирылшеит ры-Ҧсадгьыл аиқәырхара. Иахьа Аҧсны – ашәышықәсақәа иргәылсны иаауа, ҟәыҕара згым, ҭоурыхла ибеиоу, зхы иақәиҭу, ихьыҧшым ҳәынҭқарроуп.

Гәахәарыла иазгәауҭартә иҟоуп ҳтәылақәа реиҩызаратә еизыҟазаашьақәа ирымоу аҩаӡара. Москвеи Аҟәеи еимаздо цҳаны ирыбжьоуп аиҩызареи астратегиатә усеицуреи.

Даҽазныкгьы ишәыдысныҳәлоит иахьатәи аныҳәа ду! Акрызҵазкуа абри амш аҽны ишәзеиҕьасшьоит аихьӡарақәа аҭакҧхықәра ду зцу шәмаҵураҟны , аҧсуа жәлар зегьы – анасыҧ, аизҳазыҕьара”.  


Возврат к списку