Ахада Олег Еҭлухов дидикылеит

Аҧсны Аҳәынҭқарра Ахада Аслан Бжьаниа Ҟарачы – Черқьесиатәи асасцәа – еицырдыруа Ҟарачы – Черқьесиатәи аҵарауаа-ашәҟәыҩҩцәа, милаҭла иабазоу, Олег Еҭлухов, абаза жәлар Абыргцәа рхеилак ахантәаҩы ихаҭыҧуаҩ Мухарби Чуков, аибашьра аветеран, Леон иорден занашьоу Роберт Ашба дырҧылеит.

Аиҧылара иалахәын Ахада ихаҭыҧуаҩ Бадра Гәынба, Ашәарҭадара Ахеилак Амаӡаныҟәгаҩ   Сергеи Шамба, Аҭҵаарадыррақәа Ракадемиа ахада ихаҭыҧуаҩ, апрофессор Ианварби Екба.

Аиҧылараҟны иалацәажәан аҧсуааи абаза жәлари реизааигәатәра, реимадара иазку азеиҧш проектқәа рынагӡара атәы.


Возврат к списку