Ахада инапы аҵаиҩит Аҧсны Аҳәынҭқарра Аҧыза-министр ихаҭыҧуаҩ изы Аусҧҟа

Аҧсны Аҳәынҭқарра Ахада Аслан Бжьаниа инапы аҵаиҩит Пустовалов Сергеи Борис –иҧа Аҧсны Аҳәынҭқарра Аҧыза-министр ихаҭыҧуаҩыс иаҭаразы Аусҧҟа.

Аусҧҟа атекст аҟны иҳәоуп:

«Аҧсны Аҳәынҭқарра Аҧыза-министр ихаҭыҧуаҩыс даҭазааит Пустовалов Сергеи Борис-иҧа».




Пустовалов Сергеи Борис-иҧа диит 1965 ш. Воронеж ақ.

1982 далгеит Казантәи Суворов ихьӡ зху аҵараиурҭа.

1982 – 1986 шш. – аҵара иҵон Новосибирсктәи иреиҳаӡоу арра-политикатә азеиҧшарратә ҵараиурҭаҟны.

1986 – 1999 шш. – аррамаҵура дахысуан Урыстәылатәи Афедерациа СССР АА рыҟны.

1996 ш. ибзиаӡаны далгеит Урыстәылатәи афедерациа Арбџьар мчқәа Ргәыҳалалратә академиа.

1999 – 2002 шш. – Саратовтәи аобласт аҳәынҭқарратә маҵзура аиҳабы иабжгаҩ, аҟәша аиҳабы ихаҭыҧуаҩ, аҟәша аиҳабы, аҳәынҭқарратә маҵзура напхгараҭареи аппарат акадрқәа реиҳабы ихаҭыҧуаҩ.

2002 – 2004 шш. – Поволжиатәи аҳәынҭқарратә академиа аҳәынҭқарратәи амуниципалтәи напхгараҭара акафедра аиҳабы ихаҭыҧуаҩ.

2002 – 2004 шш. – Саратов ақ. ахәаахәҭра-ааглыхратә гәыҧ «Дикомп» аусзуҩцәа рмаҵзура анапхгаҩы.

2004 – 2008 шш. аҧсны Аҳәынҭқарра атәылахьчара аминистр асоциалтә-зинтә зҵаарақәа рзы ицхырааҩ.

2008 ш. инаркны иахьа уажәраанӡа Аҧснытәи аҳәынҭқарратә университет аҟны рҵаҩыс аус иуеит.

Апедагогикатә ҭҵаарадыррақәа ркандидат, адоцент.

Дҭаацәароуп, ҩыџьа ахшара имоуп.


Возврат к списку