23.04.2020
Аҧсны Аҳәынҭқарра Ахада Аслан Бжьаниа атәыла Аҧыза-министр Валери Бганба дидикылеит.
Аиҧылараан ирылацәажәеит ҳазҭагылоу аамҭазы Аҧсны Аҳәынҭқарра анагӡаратә мчхара, Аиҳабыра аусура иазку азҵаарақәа.
Абри адагьы, аҳәынҭқарра ахадеи Аҧыза-министри реицәажәараан Ахада дрылацәажәеит ареспубликаҟны иҟоу асанитартә-епидемиологиатә ҭагылазаашьа иадҳәалоу азҵаарақәа, атәылаҟны коронавирустә ҿкы алаҵәара алмыршареи уи аанкылареи ирызкны аҳәынҭқарра аганахьала имҩаҧгоу ауснагӡатәқәа.
Аиҿцәажәара ахыркәшамҭазы Ахада Аиҳабыра анапхгаҩы иҭабуп ҳәа еиҳәеит Аминистрцәа реилазаара аусуразы, ахада иалхрақәа рымҩаҧгаразы Аконституциа инақәыршәаны еиҿкааз аусуразы.
"Ҳара гәҭакыс иҳамоуп – Аҧсны ашьхаҳаракырақәа зеиҧшыҟам рыҧшӡара шәырбара, ҳтәыла ауааҧсыра реиԥш, адунеи зегьы аҟны ари аҧшӡара аҭҵааразы агәаҳәара рызцәыргара”.
