Анатоли Бибилов Рауль Ҳаџьымба Ашықәс ҿыци Қьырса ныҳәеи идиныҳәалеит

Алада Уаҧстәыла Ареспублика Ахада Анатоли Бибилов Аҧсны Аҳәынҭқарра Ахада Рауль Ҳаџьымба Ашықәс ҿыци Қьырса ныҳәеи идиныҳәалеит.

Адныҳәалараҟны, ҷыдала, иҳәоуп:

«Ҳаҭыр зқәу Рауль Џьумка-иҧа!

Гәык-ҧсыкала ишәыдысныҳәалоит ҳазҭало 2020-тәи Ашықәс ҿыци Қьырса ныҳәа лашеи!

Сара агәра згоит Аҧсны ауааҧсыра зегьы рзы иааиуа ашықәс ҿыц аҭынчреи аҭышәынтәалареи, ахҭыс бзиақәеи, иазгәаҭоу ахықәкқәа рынагӡареи ирышықәсны ишыҟало.  
Сгәы иаанагоит, иааиуа ашықәс азы ҳтәылақәеи ҳажәларқәеи рыхьӡала имҩаҧысуа аусхкқәа зегьы рыҟны аладауаҧстәыла-аҧснытәи аусеицура иҵегьы аҿиара аманы иҟалоит ҳәа.
      
Ҳаҭыр зқәу Рауль Џьумка-иҧа, ашықәсҿыцазтәи аныҳәақәа рыламҭалазы гәык-ҧсыкала ишәзеиҕьасшьоит агәабзиара, агәамч, анасыҧ, ҳаиашьаратә аҧсуа жәлар – аҭынчра, аизҳазыҕьара».

        


Возврат к списку