Президент Республики Абхазия

 

Выступления и интервью Президента

24.07.2019

Выступление Президента на съезде республиканской политической партии «Форум народного единства Абхазии»

Ҳаҭыр зқәу аизара ду аделегатцәа! Ҳаҭыр зқәу аҩызцәа!

Сара зныкымкәа сықәгылахьеит шәҿаҧхьа. 13 шықәса ҳтәыла аполитикатә ҧсҭазаараҿы ихадароу аҭыҧ ааннакылоит Аҧсны жәлар Ракзаара Афорум. Ари апартиа ароли, амчи, анырреи шыҕәҕәац иаанхоит. Афорум иалоу ауаа иаҳа иахьеиҕьу, иахьыманшәалоу ҳәа даҽаџьара ииасуам. Урҭ рзын ихадароуп рыҧсадгьыл алахьынҵа, азеиҧш-милаҭтә зҵаарақәа.

Шәышҟа схы нарханы исҳәоз ажәа темас изызкызаалакь, шәҿаҧхьа саартын. Срылацәажәон сгәы иҭыхоз, ҳажәлари, ҳаҧсадгьыли, ҳҳәынҭқарреи реиқәырхара, реизырҳара иазкыз апроблемақәа. Иахьагьы ҩаҧхьа шәышҟа схы нарханы сызцәажәо, исҳәац аиҭаҳәаразын, исылшаз-исылымшаз азы схы сырқьиарцазы акәӡам.

Иахьатәи сықәгылара аҵакҷыда, аҭакҧхықәра ҷыда змоу акеиҧш сахәаҧшуеит. Избанзар шәара шәеиҧш саргьы сгылоуп иацтәи ахҭысқәеи уаҵәтәи ҳҧеиҧши рыбжьара, урҭ рҳәааҿы. Ҳаҧхьа ишьҭоуп алхрақәа, ихьанҭоу даҽа ҧышәарак. Имаҷҩым ҧсҭазааратә ҧышәадук рымамзаргьы, аполитика ду аҿы зхы ҧызшәар зҭаху.Уи џьашьатәӡам. Иаҳҭахы-иаҳҭахым, Аҧсны ишьақәгылаз аполитикатә система азин рнаҭоит хазы игоу ауаа, апартиатә ҧхьагылаҩцәа, ихьыҧшым акандидатцәа иреиҳаӡоу амчрахь анеира, уи аҽазышәара.

Аха рыцҳарас иҟалаз, ҳара иахьа алхрақәа рахь ҳхы ҳархеит жәлала, шьҭрала. Џьоукы агәаанагара рымоуп ҳажәлантәқәа ҳрыдгылароуп ҳәа. Ус анакәха, алхратә процесс даара иуадаҩхоит. Насгьы изеиҧшрахоузеи жәлала-еижьрацәарала иҳаргыло аҳәынҭқарра?

Урҭқәа зегьы маҷ-маҷ демократиатә традициак аҳасабала ишьақәгылозар, ҳаҿиара иахәозар, усҟан– изыдгылатәу усуп. Аха алхрақәа раан ауаажәларратә-ҳәынҭқарратә интерес аасҭа, ахатәы интерес, акорпоративтә-гәыҧтә, аижьрацәаратә знеишьақәа иаҳа аҧыжәара роуа иалагар, иаҳцәагоузеи ҳәа, аимҵакьачара ҳахәмаруазшәа, аицлабрахь ҳаиасыр, усҟан ҳаҿиара, ҳаизҳара рацәак иамыхәоушәа збоит. Аха урҭқәа – аамҭа иаҳнарбап. Имаҷым иаҳнарбахьоугьы. Ҧсоуи Егри рыбжьара зегь лабҿабоуп, акагьы узыҵәахуам – абзиагьы убоит, ишубо еиҧш ацәгьагьы, ҳатрадициатә дунеихәаҧшра иаднамкыло ацәырҵрақәагьы.

Ииасыз ҭоурыхтә аамҭа-хҵәахак хатәы хәшьарак аҭара злымшо дарбанзаалакь алидер, ицәыуадаҩхоит ҧхьаҟатәи ҳперспектива алацәажәарагьы. Хәышықәса рыла ҳажәлар сыгәра ганы снапы ианырҵаз аусӡбатәқәа рынагӡараҿы, абзиеи- ацәгьеи, аихьӡарақәеи- агхақәеи еиҿырҧшны, лкаак аҟаҵара сылымшозҭгьы, насгьы ҳаҧхьаҟа иналукааша еиҭакрақәак ирызку шьаҿақәак, мҩақәак, концептуалтә знеишьақәак азгәаҭаны исымамзар иахьанӡа,– иҟаларын, лакҩакрак ҟамҵакәа, ари атрибунахь ааира сцәыуадаҩхаргьы.

Среиуам агхақәа гәхьаамкрыла ирызнеиуа, «ҳаихалап уахь, иҟало аабап...» ҳәа згәы зырҭынчуа, аинерциа зҽанызраало џьоукы-џьоукы амаҵурауаа. Ҳаҧхьаҟа хымҧада, насгьы шьаҭанкыла абригь-абригь ҧсахтәуп ҳәа агәаанагара сыманы ҩаҧхьа алхрақәа рышҟа схы сырхозар, – ус анакәха, акырынтә ишәа-иза, икапанны сазнеиуеит сызныло амҩа. Експеримент ҳасабла аҳәынҭқарреи ажәлари рлахьынҵа азныҟәара азин имам аӡәгьы: хаҭала саргьы, анапхгарахь зхы зырхо даҽа политикцәақәакгьы.

Аха иара убри аамҭазы, аҵыхәтәантәи ашықәсқәа раан, напхгара ззызуа аиҳабыреи сареи ҳазнысыз амҩа ахә ларҟәны исызшьом,– анегатив ада акагьы збар зҭахым ргәы сырҭынчуеит ҳәа хықәкыс иҟаҵаны.

Обиективла ахәшьара зылшо ирымбарц залшом иҵоуроу атенденциақәа акырӡа ишеиҳаз аиҵахарақәа, ахьысҳарақәа раасҭа. Иашоуп, ҳара ишаҳҭахыу еиҧш ирызҳауам аҿиаратә темпқәа. Аха иҟоуп ҳара ҳамч зқәымхо адәныҟа-политикатә, акризистә цәырҵрақәагьы. Урҭ џьара иҳацрамсыр залшом. Ишырҳәо еиҧш, адунеи амаа ҳара иаҳкым. Урыстәыла асанкциақәа рмацәаз иҭакны, ҳара наныкьара ҳәа ишаҳҭаху ҳзыҟалом, избанзар аҩ-ҳәынҭқаррак рекономикақәа ирымоу диагнозк ауп, хкы-рацәала ҳаимадоуп, ҳашьхәақәа еивҵоуп.

Ҳәарас иаҭахузеи, ахатә лыҵшәа аанашьҭит аҩныҵҟатәи арезерв, ахатә ресурсқәа рыҧшаара азҿлымҳара ахьаҳҭоз. Макьанагьы уи хрыҩ азҭо, Аҧсны ҕарушәа, ахала ахы азныҟәымгоушәа адыҧшыларатә знеишьа зҽадызцәыло ачынуаа шмаҷҩымгьы. Сара уаанӡагьы исҳәон, иахьагьы исҳәоит: шьаҿа-шьаҿала акәзаргьы, ҳара ҳаиасыроуп аҳәынҭқарра ахала ахы ныҟәнагартә ихьыҧшым аекономикатә политика амҩаҧгарахь.Аибашьраан ҳхы ҳамеигӡеит, ашьа каҳҭәеит. Аҭынч ҧсҭазаара анҳау, ҧыхӡыкгьы ҳалаҳхырц ҳҭахӡам. Мамзар ҳааҟәымҵӡакәа зыӡбахә ҳҳәало «ҳхьыҧшымрагьы» –баша зеиҧш декларациатә ҳәамҭахар алшоит. Лозунг мацарала хара ҳазцом.

Иҟәнаҳшьоу, ҳазцәыҧхашьоу шьаҿам– аконституциатә-усӡбаратә реформақәа рганахьала иалыршахаз аихьӡарақәа. Азинтә ҳәынҭқарра ҳаргылозар, уи иамазароуп Аконституциатә усӡбарҭа еиҧш иҟоу азинтә мыругагьы. Ари атәы рҳәон ҳара ҳаиааинӡа быжь-шықәса раҧхьагьы. Аха ари раҧхьатәи ареалтә шьаҿақәа ируакуп. Иара убас раҧхьаӡа акәны иалагалахеит аусӡбаратә приставцәа ринститут. Уи ыҟамкәа, изыҟалом анагӡаратә леишәа. Абасала, маҷ-маҷ акәзаргьы ақьаад аҟынтә, аусахь ииагахеит азакәанҧҵаратә механизмқәа. Сгәанала, ииашам, ҵаҵҕәы рымам аҭыҧантәи аусбарҭақәа рзин ҿаҟәоуп ҳәа хыхь-хыхьла ацәажәарақәа. Даҽакы иамусуп, урҭ ианырцәеилаҩашьо рхатә уалҧшьақәеи, конституциала дара зынӡаск ирыҵанамкуа, апартиатә-политикатә интересқәаки ирызхәыцны, аамҭала рҽыззыркло аусқәеи. Ирҧырхагада иаҳҳәап, араионтәи ақалақьтәи еизарақәа арекламатә ҩырақәа рҿы аҧсуа бызшәа ахархәашьа, ақалақьқәа рҿы аргылара –архитектуратә нормақәа реилагара аконтроль азураҿы?

Шьаҿа-ҕәҕәак ҟаҵан амилаҭтә биуџьет 5 миллиардк рҟынӡа аизырҳараҿы. Сгәы иаанагоит аринахысгьы даара инарҵауланы иазнеилатәуп ҳәа абиуџьеттә политика, уи иреиҕьу ҳекспертцәа адыҧхьалауа. Уи ианыҧшроуп иҳамоу-иҳахӡу, ҳхарџьқәа, ҳхашәалақәа, ҳсоциалтә ҭахрақәа. Рхала иҟамлеит абанктә системаҿы аргама зҽалызкааз аиҭакрақәа. Зегьы ирдыруазароуп, абанк ҳаҵаҕьычуа, аҳәынҭқарра ҳаҵаҕьычуа, џьоук ажәлар рмал иалаҭхаџьуа, ҽа џьоукы рҭаацәа рызныҟәымгартә иҕархо- ахымҩаҧгашьа азин шимам дарбанзаалакь ачынуаҩ. Досу дақәыршәахароуп иқәнага. Аӡәгьы игәы иаанамгароуп, Аҳәынҭқарра анапхгара акоррупциа рҽандыршәеит, кашырроуп, ишәҭахыу ҟашәҵала ҳәа. Иҵегь иҳарҕәҕәароуп акоррупциа, ацәгьоура бааҧсқәа рҿагылара иазку азакәанқәа. Уи аганахьала Апарламентахь инаҳашьҭхьоу ашәҟәқәагьы баша ишьҭаҵаны рыхәаҧшра азин ҳамаӡам. Аҧыжәара аиуроуп адепутатцәа ринициатива. Ргәы иамжьароуп аҳәынҭқарраҿы – азинхьчаҩгьы аҕьычгьы зинла еиҟароуп ҳәа ихәыцны, азакәандара амҩахь, акриминализациа амҩахь ҳхы зырхар зҭаху амчрақәа. Уи ҳтәыла аҳаҭыр лазырҟәуа, аҳәынҭқарратә идеологиа ҵызшәаауа знеишьоуп. Уи аҿагыларагьы зегьы иаҳзеиҧш уалуп: Аҳәынҭқарра Ахадагьы, Апрокуроргьы, аҳәынҭқарра шьагәыҭс иамоу ҳауаажәларгьы. Арҭ ишәарҭоу ацәгьаурақәа рҿагылараҿы иҟаҵоу макьана ишазымхо зеиҕьаҭам ала еилыскаауеит. Акриминал иаҿагыланы ақәҧараҿы хьаҵрак ҟамлароуп. Убри азын иҵегь ирыҕәҕәатәуп амчратә структурақәа, ишьҭыхтәуп урҭ рымч-рылша, рыквалификациа, руаажәларратә статус! Амчратә усбарҭақәа ирыҵаргылатәуп Урыстәылантәи ихынҳәуа аспециалистцәа ҿарацәа!

   Аҿиаратә тенденциақәа сеиҭарзыхынҳәуа, иазгәасҭарц сҭахуп, аинвестпрограмма ацхыраарала аусура ишаларгахаз имаҷымкәа аарыхратә наплак-маҷқәа, еиҳаракгьы ақыҭанхамҩатә ҟазшьа змоу. Аҳәынҭқарратә сектор аагозар, акырӡа аҽарҭбааит Риҵатәи амилаҭтә парк, Пицундатәи акурорттә еидҵара, Афонҿыцтәи аҳаҧытә комплекс уҳәа ҳтуристтә индустриа алокомотивқәа русура амҽхак, абиуџьет ашҟа урҭ рыхәҭа-лагалақәа.

Ааи, араҟа иааҧшит арҭ анаплакқәа рнапхгара хаҭалатәи рҭакҧхықәратә знеишьа. Аха, иаҳҳәап иаахтны, аус ауит Аҧсны анапхгара рҟынтә ахылаҧшратә леишәа, уала-ҭахыла акәымкәа, ҳәынҭқарратә принципла аизыҟазаашьа.

Ҳара кырӡа ҳзызҿлымҳау приоритетны иҟоуп адәныҟатәи аинвестициақәа рымҽхак арҭбаара. Иаҳҭахуп абизнес-уаа нагақәа рмал-ршьал рыманы Аҧсныҟа имҩахыҵырц. Ааи, урҭ иџьанаҭ-ҭыҧу ҳаҧсадгьылаҿы апроект шьахәқәа аладырҵәар рҭахуп. Аха ҳашҧарызныҟәо дара: рҧара-ршьара ҳхы иархәаны, нас «шәхы ахьынахо шәца» ҳәа ҳнарыҵаҟьоит. Абасала аинвестициатә политика еилызкаауа џьоукы-џьоукы ирдыруазароуп, рхымҩаҧгашьала ишҵыршәаауа ҳҳәынҭқарра зықәгылоу ауасхыр, насгьы асеиҧш иҟоу афактқәа хымҧада ишрықәыӡбахо.

Сара сҽалазгалом араионқәеи ақалақьқәеи ринфраструктура арҿыцраҿы ҳзыхьӡаз, ҳазхьымӡаз. Аха араҟа зшьапы ку аусқәа, ишьҭаҵоу ауасхыр, алшара ҳнаҭоит даҽа шықәсқәак рыла аҵаратә-ааӡаратә, асоциалтә-гәабзиарахьчаратә, аграртә, аенергетикатә хырхарҭақәа уҳәа ҕәҕәала реиҭашьақәыргыларазын.

Иазгәасҭарц сҭахуп, иахьатәи ҳаҿиарамҩаҿгьы, уаҵәтәи ҳаизҳараҿгьы ҳара ҳалшарақәа ҩбазтәуа шьаҟа-ҕәҕәаны ишҳамоу ҳастратегиатә дгылаҩ ду Урыстәылеи ҳареи ҳусеицура. Ишыжәдыруеиҧш, зынӡаск имариамызт Аҧсни Урыстәылеи ирыбжьоу Аиқәшаҳаҭра ҿыц иаҧсоу, ишәоу-изоу авариант азкылсра. Аҵыхәтәаны иҳалшеит ҳсуверенитет зыхьчо, ҳконституциа амчра змырҧсыҽуа апроект ацәыргара. Уи Ахада иадминистрациа мацара иабзоуроу документым, араҟа еилыхха иааҧшит Ахадеи Апарламенти русеицура алыҵшәа. Иахьа ари аиқәшаҳаҭра ҳақәныҟәаны, Урыстәылеи ҳареи иҟаҳҵо ашьаҿақәа реалла иубартә иҟалеит: асоциалтә-економикатә, арратә-стратегиатә, азинхьчаратә, акультуратә-ҭҵаарадырратә уҳәа хырхарҭақәа рҿы. Аус злоу– ари аидгылара амчхара, анырра еилыхха иааҧшит Аҧсны ашәарҭадара аиқәырхара аусаҿы. Ихьчоуп ҳҳәаақәа. Ихьчоуп ҳмилаҭтә дунеижәларбжьаратә интерес. Сгәы иаанагоит, ҳҳәынҭқарратә суверенитети, ҳажәлар рлахьынҵеи хаҭала иналукааша адунеитә лидер Владимир Путин илаҧш ахьаху– патула изызныҟәатәу, ҟәышрыла ахархәара ззутәу факторуп ҳәа. Иҟан аамҭақәак уаанӡатәи Урыстәыла анапхгара Аҧсны ианақәымчуаз, ақырҭуа шовинистцәеи, урҭ аҳәаанырцәтәи рыдгылаҩцәеи ргәы иахәап ҳәа. Уи бзианы ишәгәалашәоиит ара итәоу шәеиҳараҩык. Урыстәыла Ахада ибзоураноуп ҳаҧхьаҟа аусура ишаларгахо Владислав Арӡынба ихьӡ зху аҳаиртә баҕәазеи, Урыстәылантәи Аҧсныҟа круизла имҩахыҵраны иҟоу аҕбақәеи ирыдҳәалоу апроект дуқәа.

Иаҳа –иаҳа изызҳауа Урыстәылеи ҳареи ҳдипломатиатә еигәныҩрақәа иахьрыбзоуроу рацәоуп иара убас иналукааша хҭысны иҟалаз Шьамтәылеи Аҧсни ирыбжьалаз азхеибаҵаратә еиқәшаҳаҭрақәа.Ҳҳәынҭқарра жәларбжьаратәи амчхареи, аҳаҭыри рышьҭыҵразын ари ахҭыс ҟалеит зеиҕьаҭам шьаҿа-ҕәҕәаны.

Аҳәынҭқарра идеологиа атрибут хадақәа ракәны иҟан, иагьаанхароуп: аҳәынҭқарратә бызшәа амҽхак арҭбаара, шәышықәсалатәи ҳҭоурых, ҳгеографиа, ҳкартографиа, ижәытәӡоу ҳбаҟақәа реиқәырхара, реизырҳара, ҳатрадициатә культура ииашаны аӡыргара, амилаҭтә ҭҵаарадырреи, апедагогикеи алитературеи аҟазареи рнырра ашьҭыхра, ҳуниверситеттә-академиатә ҵара ахаҭабзиара акырӡа аиҕьтәра, агәцаракра. Иаахтны иаҳҳәап, макьана ихьысҳауп аҵареи аҟазареи ркорифеицәа ирыҵагылаша аспециалистцәа ҿарацәа реиҵааӡара аус. Иазхәыцтәуп уи системала ашьақәыргылара апроблема, иахәҭоу аҳәынҭқарратә харџьқәагьы азыҧхьагәаҭаны. Ус анакәымха, изыҟалом ихаҭәаау, узықәгәыҕша аҿиара, аизҳара,– иҕархоит амилаҭтә интеллектуалтә потенциал.

Гәҭакыс иҳамоуп аус зуа азакәанҧҵара инақәыршәаны Аҳәынҭқарратә бызшәа апрограмма ҿыц аус адулара. Уи азын снапы аҵазҩит Аусҧҟа ҷыда. Иаҧҵоуп аҳәынҭқарратә комиссиа. Апрограмма баша декларацианы иҟамлароуп. Уи ахәҭаҷқәа зегьы ирзыҧҵәахароуп биуџьетла анагӡаратә хыҵхырҭақәа. Уажәы аполитикатә Олимп ахь ацәырҵра иадҽырбало џьоукы-џьоукы рҟынтә лассы-лассы иҳаҳауа иалагеит ачынуаа, ҳтәыла анапхгара рзы аҧсуа бызшәа адырра хымҧадатәны иҟамлароуп, уи рацәак адемократиатә хәаҧшрақәа ирышьашәалам ҳәа аҳәамҭақәа. Ари дкылашьа змам гәаанагароуп. Зхатәы бызшәа заҭәазымшьо амаҵурауаҩ иҳәынҭқарратә дунеихәаҧшрагьы агәрагара уадаҩуп. Ари меркантилтә знеишьала акәымкәа, хдыррала, ҟәыҕарыла еилкаатәу, зсоциалтә актуалра шьарда иҳараку проблемоуп.

Иара убас шьаҭанкыла иҧсаххароуп адемографиатә зҵаарақәа рызнеишьа, ҳџьынџьуаа рыҧсадгьылахь рырхынҳәра амҽхак ҭбаахарц азын ишьақәыргылатәны ҳаҧхьа ишьҭоуп акомплекстә программа ду. Абарҭқәа зегьы илаҧш ҷыда рхын Аҧсны аҳәынҭқарра ашьаҭаркҩы Владислав Арӡынба. Избанзар аамҭақәа рӡыблара далҧшны ибон аҳәынҭқарра амилаҭтә шьагәыҭ ануашәшәыраха – ишуашәшәырахо иара аперспективагьы, адунеитә цивилизациа ахыҵхырҭа здацқәа аларсу аҧсуа етнос аҭоурыхтә лахьынҵагьы. Ҳара иаҳуалҧшьоуп Владислав ду иидеиақәа раларҵәаразны иҳалшо зегь аҟаҵара!

      Сажәа хыркәшауа, иалыскаарц сҭахуп ҳаҧхьа ишьҭоу аҩныҵҟатәи адәныҟатәи априоритет хадақәа:

1. Иреиҕьу аекспертцәа адыҧхьаланы ус адулахароуп Аҧсны аекономика адиверсификациа апроблема.

2. Иахәҭоу афинанстә хыҵхырҭақәа ҧшааны,шьаҭанкыла иҧсаххароуп Аҧсны аҩныҵҟатәи аусқәа Рминистрреи егьырҭ амчратә усбарҭақәеи рыструктурақәа.

3. Иазгәаҭахароуп акриминал аҿагылара иазку ашьаҿақәа ркомплекс ҷыда.

4. Анапхгараҭаратә система арҿыцра хықәкыс иҟаҵаны, аиҳабыра реилазаараҿы имҩаҧгахароуп ахаҭабзиаратә кадртә еиҭакрақәа, иқәгылоу аусӡбатә хадақәа ҳасаб рзуны.

5. Ирџьбарахароуп акоррупциа аҿагылара иазку азакәанҧҵаратә система.

6. Хымҧада инагӡатәуп аус адулара, насгьы адкылара Апарламент аҟны ишьҭоу «Аҳәынҭқарратә маҵзура азын» Азакәан апроект. Уи – амаҵурауаа рхашәалахә араргамара алзыршо закәанҧҵаратә шьаҭаны иҟалароуп.

7. Аус адуланы ишьақәырҕәҕәахароуп атәыла адемографиатә шәарҭадара аҳәынҭқарратә программа.

8. Иалыршахароуп аҳәынҭқарратә тәанчаратә реформа.

9. Арепатриациа Аминистрра аус аднаулароуп аекономикатә ҵаҵҕәы змоу аҳәынҭқарратә программа ҷыда. Ари апроблема амҽхак арҭбааразын Апрофильтә министрра аусура иадыҧхьалахароуп егьырҭ аҳәынҭқарратә структурақәеи, араионтәи ақалақьтәи администрациақәеи.

10. Иҟоу азакәан инақәыршәаны, аларҵәара напы аркхароуп аҳәынҭқарратә бызшәатә программа, уи иақәнагоу афинанстә хыҵхырҭақәа азыҧшааны.

11. Шьаҭанкыла иҧсаххароуп аҧсуа школқәеи ахәыҷ- баҳчақәеи рҿы аҳәынҭқарратә бызшәала амаҭәарқәа рызнагашьа асистема; Аус адулатәуп ашколтә реформа алзыршаша апрограмма ҿыц;

12. Рымҽхак ырҭбаахароуп аҧсуа-абаза- адыга еизыҟазаашьақәа.

13. Аиҳабыра иаздырхиароуп, иагьышьақәдырҕәҕәароуп аҿартә политикеи аспорти рымҽхак арҭбааразын апрограмма ҷыда.

15. Иазгәаҭахароуп аҧсуа қыҭа аиқәырхареи, уи асоциалтә инфраструктура ашьақәыргылареи рҳәынҭқарратә план хада.

Уаанӡа ишысҳәахьоу еиҧш, сара сзын имариамызт ҩынтәны Аҳәынҭқарра Ахада имаҵураду ашҟа скандидатура ақәыргылара. Избанзар, зегь реиҳа сгәы змырҭынчуа зҵаароуп, исылшоу исылымшоу кардиналла иӡбатәу асоциалтә-бзазаратәи астратегиатәи проблема дуқәа рыӡбара. Аха аамҭеи, схазы иҟасҵаз анализи, исымоу акыршықәсалатәи анапхгаратә ҧышәеи исыҵарҳәоит сызҵаара хада аҭак: исылшоит.

Сара сақәгәыҕуеит шәара исышәҭо адгылара, агәрагара. Сгәы иаанагоит шәареи ҳареи ҳазну амҩа ҳанысып ҳәа хьыӡла-ҧшала!

Отвечая на вопрос, чем мотивировано мое решение баллотироваться на второй срок, отвечаю однозначно: я считаю себя ответственным за продолжение начатых конституционных реформ, усиление правопорядка, укрепление безопасности страны, улучшение социально-экономического положения наших граждан, решение задач, связанных со сложной демографической ситуацией, здравоохранением и многими другими неотложными вопросами. К сожалению, об этих проблемах порой рассуждают лица, совершенно не компетентные в них. Или те, кто были во власти, обладали рычагами управления, но ничего не сделали для коренного перелома ситуации, более того оставили государству тяжелый груз внутренних и внешних долгов. Тот, кто настроен увидеть реальные достижения, увидит непременно, а тот, кто заведомо отрицает любой позитив, никогда его не увидит, и не воспримет, потому что мешают предвзятость и политические пристрастия.

Достаточный управленческий опыт, знание ситуации и проблем изнутри дают мне основание необходимости доведения до логического завершения предпринятых реальных шагов. Президентский пост требует ежедневного, если не ежечасного напряжения сил, энергии, высокой личной ответственности и бдительности за все, что происходит внутри государства и вокруг нее. У нас нет времени на репетиции и эксперименты. Нам надо добиться перелома во всех ключевых направлениях развития страны! И мы знаем, как это сделать! И в претворении этой чрезвычайно сложной задачи, я буду опираться на знания, опыт и поддержку всего нашего народа: абхазов, русских, армян, представителей других национальностей, вне зависимости от того, в какой партии или общественной организации они состоят. Мы должны брать на вооружение любые разумные предложения, идеи, подходы, направленные на достижение благополучия и процветания нашего Отечества.    

Борьба с преступностью была и остается одной из главных, чрезвычайно ответственных задач не только правоохранительных органов, но и всего руководства страны. Не переломив ситуацию в этой сфере, мы не сможем обеспечить полноценное развитие других направлений развития государства. Возрастает актуальность реформы структуры МВД и других силовых ведомств, обеспечения их собственной безопасности. От стабильности, спокойствия, защищенности людей зависит развитие и экономики, и бизнеса, и инвестиционной политики, и имидж государства в целом. Я не напрасно внес в Парламент законопроект о борьбе с организованной преступностью. Думаю, что депутаты сами должны выступать в поддержку таких вопросов. И я надеюсь, что парламентарии ускорят его рассмотрение!

Мы не имеем права мириться с криминалом, с таким опасным злом, как распространение наркотических средств, наркомания, наносящими непоправимый ущерб генофонду нации. Мы также будем последовательно добиваться ужесточения законодательства по борьбе с коррупцией. Декларирование доходов чиновников – должно стать непременным условием, обеспечивающим прозрачность деятельности государственных структур. Эти предложения учтены в проекте закона «О государственной службе», находящегося с Парламенте. Также надеюсь, что он будет принят. Чиновники, которые не хотят придерживаться принципов прозрачности и открытости, не могут занимать высокие должности. Коренные изменения необходимы во многих сферах, и они будут, и в первую очередь - в расстановке кадров.

Завершая свое выступление, я хотел бы отметить наиболее приоритетные, на мой взгляд, важные и неотложные из стратегических соображений, направления, без учета которых мы не сможем добиться значительного перелома в строительстве государства:

- необходимо с привлечением лучших экспертов заняться разработкой и кардинальным решением проблемы диверсификации нашей экономики, с учетом ранее представленных предложений;

- изыскав необходимые финансовые возможности, следует добиваться коренной реорганизации структуры МВД и других силовых ведомств, обеспечив соответствующую ротацию кадров;

- необходимо разработать комплекс законодательных и профилактических мер по обеспечению эффективности борьбы с криминалом;

- необходимо разработать программу значительной реорганизации и совершенствования сферы управления, с учетом современных требований государственного строительства;

- следует добиваться ужесточения законодательной системы борьбы с коррупцией;

- «Закон о госслужбе» вкупе с другими соответствующими нормативными актами должен стать правовой основой декларирования доходов чиновников;

- необходимо разработать научно обоснованную долгосрочную программу демографической безопасности государства;

- следует разработать комплекс мер по обеспечению пенсионной реформы в стране;

- Министерству репатриации необходимо ускорить разработку экономически обоснованной долгосрочной программы репатриации зарубежных соотечественников на историческую Родину, с подключением к данному процессу администраций городов и районов, министерств и ведомств;

- Кабинету Министров необходимо в кратчайшие сроки завершить разработку государственной программы, соответствующей требованиям действующего Закона о языке, обеспечив бюджетное финансирование ее положений;

- следует кардинально обновить систему школьного обучения на государственном языке и воспитательно-образовательного процесса в дошкольных учреждениях, с учетом новых методологий и технологий;

- необходимо значительно расширить масштабы и формы взаимодействия абхазо-абазинского и адыгского народов, направленного на сохранение и развитие генетически родственных этносов;

- Правительству необходимо разработать государственный план комплексной поддержки села, восстановления его аграрной и социальной инфраструктуры;

- Правительству следует подготовить программы вовлечения молодежи в строительство государства, развития национального здравоохранения, туризма и спорта.


Возврат к списку

 
 
 
 
© 2015 Администрация Президента Республики Абхазия, г. Сухум, Набережная Махаджиров, 32, тел.: +7 840 226 46 31, факс: +7 840 226 46 31
почта: info@presidentofabkhazia.org
Разработка сайта - ait