Аҧсны Аҳәынҭқарра Ахада

 

Аҧсны Аҳәынҭқарра Ахада ихаҭыҧуаҩы

Аҧсны Ахада ихаҭыҧуаҩы — атәылаҿы иреиҳаӡоу амаҵуратә хаҿқәа дыруакуп, Аҧсны ахада дицалырхуеит хәышықәса аҿҳәара иҭаны.

Ахада ихаҭыҧуаҩы икандидатура ықәиргылоит Аҧсны Ахадарахьы акандидат. Ахада ихаҭыҧуаҩыс далхзар ҟалоит алхратә зин змоу, 35 шықәса иреиҵам 65 шықәса иреиҳам Аҧсны атәылауаҩ. Ахада ихаҭыҧуаҩы изинмчхарақәа наигӡонаҵы аполитикатә партиақәеи ауаажәларратә еидгыларақәеи иҽрылаирхәуам.

Уи Жәлар Реизара дадепутатӡам, иарбанзаалак егьырҭ аҳәынҭқарратә, ауаажәларратә усбарҭақәа, анаплакратә еилазаарақәа рыҟны маҵурак ааникылар ҟалаӡом. Ахада ихаҭыҧуаҩы иџьабааҧса ианашьахоит Аҧсны Аҳәынҭқарраҟнытә, уи иазыҧҵәоу аамҭақәа инарықәыршәаны.

Ахада ихаҭыҧуаҩы Аҧсны Ахада идҵала инаигӡоит уи инапынҵақәак, Аҧсны Ахада диҧсахуеит уи даныҟам ма иусқәа рынагӡара анилымшо.

Ахада имаҵура дамххар ма иҧсҭазаара далҵыр, имаҵура аанижьыр мамзаргьы ахада изинмчқәеи ихыдҵақәеи рынагӡара анилымша, урҭ Ахада ихаҭыҧуаҩы ишҟа иисасуеит.

Ахада иеиҧш Ахада ихаҭыҧуаҩгьы имаҵура дамххар ма иҧсҭазаара далҵыр, имаҵура аанижьыр мамзаргьы ахада изинмчқәеи ихыдҵақәеи рынагӡара анилымша, урҭ Аҧсны аҧыза-мимнистр ишҟа иисасуеит.

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT