Аҧсны Аҳәынҭқарра Ахада

 

Ахада асахьаҭыхҩы, аҳәынҭқарратә ҳамҭақәеи аҳәынҭқарратә дыргақәеи рескизқәа равтор иԥшәмаԥҳәыс Роза Ҳашԥҳа дидикылеит

08.10.2018

 

Жьҭаарамза 8 рзы Аԥсны Аҳәынҭқарра Ахада Рауль Ҳаџьымба асахьаҭыхҩы, аҳәынҭқарратә ҳамҭақәеи аҳәынҭқарратә дыргақәеи рескизқәа равтор иԥшәмаԥҳәыс Роза Ҳашԥҳа дидикылеит.

Аҳәынҭқарра Ахада иаҵшьны иазгәеиҭеит Валери Гамгьиа Аԥсны Аҳәынҭқарра аҭоурых ҿыц аҟны акрызҵазкуа илшамҭа ду, Аԥсны Аџьынџьтәылатә еибашьра Аиааираҟны илагаламҭа.

«Валери илшаз аҵак ду амоуп. Иара авторс дызмоу аҳәынҭқарра адыргақәа даара рҵакы дууп аҳәынҭқарра аргылараҿы. Илагаламҭа дууп ааигәа 25ш. зхыҵра азгәаҳҭаз Аиааира агараҿы»,- иҳәеит Ахада.

Аҳәынҭқарра Ахада Роза Ҳашԥҳа илиҭеит Валери Гамгьиа 1992-93ш.ш. Аԥсны Аџьынџьтәылатә еибашьраҿы Аиааира агараҟны илагаламҭазы иԥсҭазаара даналҵ ашьҭахь ианашьаз «Аиааиразы» амедаль.

Акультуреи, аҭҵарадырреи, аҵареи рзы Ахада Иабжьгаҩ Владимир Занҭариа инаҵшьны иазгәеиҭеит Валери Гамгьиа ироль аԥсуа жәлар рмилаҭ-хақәиҭратә қәҧараҿы.

«Валери Гамгьиа ихьӡ хашҭра ақәым. Валери Аԥсны Жәлар рфорум «Аидгылара» раԥхьатәи ашьаҭаркыҩцәа дыруаӡәкуп.  Иара иоуп Марина Ешԥҳа Қырҭтәыла асахьаҭыхыҩцәа Реидгыла алҵра азҵаараҿы ацхыраара лызҭаз.  Урҭ рҩызцәеи дареи ирылшеит  аҧсуа сахьаҭыхыҩцәа Реидгыла ихьыҧшымкәа ашьақәыргылара», -иҳәеит Владимир Занҭариа.

    


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT