Аҧсны Аҳәынҭқарра Ахада

 

Ахада Алада Уаҧстәыла Ареспублика Ацҳаражәҳәарҭа даҭааит

08.08.2018
Ахада Алада Уаҧстәыла Ареспублика Ацҳаражәҳәарҭа даҭааит

Нанҳәамза 8 рзы Аҧсны Аҳәынҭқарра Ахада Рауль Ҳаџьымба Алада Уаҧстәыла Ареспубликаҟны аибашьра алагара жәашықәса ахыҵра амш аҽны Алада Уаҧстәыла Ацҳаражәҳәарҭа даҭааит

Аҧсны иҟоу Аҷыдалкаатәи амчнаӡазмоуи Алада Уаҧстәыла ацҳаражәҳәаҩ Олег Боциев аиҧылара ааиртит аҧсшәа ҳәаны.

“Традицианы иҟалеит нанҳәамза 8 рзы, харада иҭадырхаз Алада Уаҧстәыла, Цхьынвал ауааҧсыра, урыстәылатәи абжьаҟазацәа, Цхьынвал ахьчаҩцәа, урыстәылатәи ар асолдаҭцәеи аофицерцәеи ргәалашәаразы Ацҳаражәҳәарҭаҟны аиҧылара амҩаҧгара”, - иҳәеит иара.

Олег Боциев Урыстәылатәи Афедерациа анапхгареи, ажәлари, Аҧсны Аҳәынҭқарреи рыхьӡала иҭабуп иҳәеит 2008 шықәсазы иҟарҵаз ацхыраареи адгылареи рзы.

“10 шықәса раҧхьа Қырҭтәыла гьангьашрала иаҧшьнагаз ақәыларала иамаз ахықәкқәа рынагӡара алмыршахеит. Фырхаҵара згым аладауаҧстәылатәи ажәлар ари ақәылара аҿагыларагьы аиааира агарагьы рылшеит. Урҭ ирыдгылан ари аҳәынҭқарра аҿиара аиуыр, ашьақәгылара зҭахыз.

Аҧсуааи ауаҧсқәеи реизыҟазаашьақәа ашәышықәсақәа иргәылсны иаауеит. Рыхьӡ кашәара ақәым зыҧсадгьыл ахьчара зхы ақәызҵаз. Ас еиҧш иҟоу ахҭысқәа еиҭаҟамлаларц азы хашҭра рықәымкәа, иааиуа абиҧара ҿыцқәа рҟынӡа анагара ҳалшароуп”, - иҳәеит аҳәынҭқарра Ахада.

Аҧсны иҟоу Аҷыдалкаатәи амчнаӡазмоуи Алада Уаҧстәыла ацҳаражәҳәаҩ Иури Иасносокирски Алексеи Двинианин ихьӡала нанҳәамзазтәи аибашьра ашьҭахь жәашықәса аҵра амшқәа рзы аиҩызара иазку иажәақәа еиҭеиҳәеит.

«Жәашықәса раҧхьа ауаҧс жәлар рнырҵәара еиҭа зҽазызшәаз Қырҭтәыла ажәылара иадҳәалоу ахҭыс бааҧсқәа ахааназы Аҧсны жәлар ирхашҭраны иҟаӡам. Ари амш аҽны ихацыркын хәымыш ицоз аибашьра, иҭахеит хыҧхьаӡара рацәала ауаа. Иҭахеит ҳара ҳџьынџьуаагьы, абжьаҟазаҩцәа, аслодаҭцәа. Урҭ ргәалашәара ахьӡала Урыстәыла Алада Уаҧстәылеиҧш, Аҧсны Аҳәынҭқаррагьы ршәарҭадара иахылаҧшлоит”- иҳәеит Иури Иасносокирски.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT