Аҧсны Аҳәынҭқарра Ахада

 

Владимир Путин Урыстәыла Амш идныҳәалара

12.06.2018

Рашәарамза 12 рзы Аҧсны Аҳәынҭқарра Ахада Рауль Ҳаџьымба Урыстәылатәи Афедерациа Ахада Владимир Путин Урыстәыла Амш идиныҳәалеит.

Адныҳәалараҿы, ҷыдала, иҳәоуп:

"Хаҭыр зқәу Владимир Владимир-иҧа!

 Гәык-ҧсыкала ишәыдысныҳәалоит шәмилаҭтә ныҳәа – Урыстәыла Амш.

Абри амш инаркны ихацыркхеит уҳәар ҟалоит имариамыз, хьӡи-ҧшеи зцыз ашьақәгылареи аҿиареи рымҩа ианысыз урыстәылатәи аҳәынҭқарра аҭоурых ҿыц. Урыстәыла ажәлар рыҧсадгьыл иазгәдууп, уаҵәтәи рҧеиҧшгьы агәра ргартә иҟоуп иахьа.

Гәахәарыла иазгәасҭарц сҭахуп, аиҩызара шьаҭас измоу аҧсуеи аурыси жәларқәа реизыҟазаашьақәа. Ҳара иҳалшо зегьы ҟаҳҵоит аҧхьаҟагьы ҳтәылауаа реизҳазыҕьара хықәкыс измоу ҳҳәынҭқаррақәа ганрацәала русеицура арҕәҕәаразы.

Акрызҵазкуа абри амш аҽны, Владимир Владимир-иҧа, азин сышәҭозар, ишәзеиҕьасшьарц сҭахуп агәабзиара, агәамч, аҭакҧхықәра зцу аҳәынҭқарратә усураҿы аринахысгьы аихьӡарақәа, Урыстәыла ажәларқәа – аҭынчра, аизҳазыҕьара".

 


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT