Аҧсны Аҳәынҭқарра Ахада

 

Гьаргь Гәыблиа 90-шықәсаихыҵра идиныҳәалара

15.05.2018

Гьаргь Гәыблиа 90-шықәсаихыҵра идиныҳәалара

Лаҵарамза 15 рзы Аҧсны Аҳәынҭқарра Ахада Рауль Ҳаџьымба Аҧсны Аҳәынҭқарреи  Урыстәылатәи Афедерациеи  Ашәҟәыҩҩцәа реидгыла иалахәу, Дырмит Гәлиа ипремиа алауреат, Аҧснытәи аҳәынҭқарратә университет апрофессор Гьаргь Гәыблиа 90-шықәсаихыҵра идиныҳәалеит.

Адныҳәалараҟны, чыдала, иҳәоуп:

"Ҳаҭыр зқәу Гьаргь Константин-иҧа!
Гәык-ҧсыкала ишәыдысныҳәалоит шәиижьҭеи 90 шықәса аҵра. Ишәзеиҕьасшьоит агәамч ҕәҕәа, агәалаҟара ҟаимаҭ.
Шәара шәыруаӡәкыуп  аҧсуа литература 50-тәи ашықәсқәа раан иаҵагылаз абиҧара ҿыц, ҳаклассикцәа зшьапы ркыз атрадициатә рҿиаратә ҧышәа еихазҳаз, ҧхьаҟа изгаз.
    Шәара шәравторуп хыҧхьаӡара рацәала апоезиатәи апрозатәи рҿиамҭақәа, урҭ еидызкыло аизгақәа. Шәыхәҭа алажәгалеит адраматургиеи, апублицистикеи, асахьаркыратә еиҭагареи ржанрқәа рыҿиара.
Акыр шықәса напхгара ашәҭон  алитературатә-сахьаркыратә журнал “Алашара”. Иара убас ҭакҧхықәрала инашәыгӡон ашәҟәҭыжьырҭа “Алашара” адиректор инапынҵақәа.
Шәџьабаа ду адуп Аҧснытәи аҳәынҭқарратә университет астуденттә ҿар рааӡара. Акыраамҭа напхгара ашәҭон аҧсуа литература акафедра.
        Шәкандидаттә диссертациа рызкыуп аҧсуа литература ашьаҭаркҩы  Д.И. Гәлиа иҧсҭазаареи ирҿиаратә мҩеи. Ари амонографиатә ҭҵаамҭа зныкымкәа адунеи абахьеит, иагьаҧсахеит Д.И. Гәлиа ихьӡ зхыу аҳәынҭқарратә премиа.
     Шәара шәкаламҧынҵа иҵшәыжьхьеит аҭоурыхтә романқәа, аповестқәа. Ахатә ҭыҧ ааннакылоит иналыукааша аҳәынҭқарратә усзуҩы  Нестор Апполон-иҧа Лакоба изкыу шәусумҭа, Мҭы Ақабеи Жана Ачбеи рырҿиаратә ҭынха.   
Ишәзеиҕьасшьоит ишәыдышәкыл Шәышҟа ирхоу гәык-ҧсыкалатәи сара  сзеиҕьашьарақәа!"

Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT