Аҧсны Аҳәынҭқарра Ахада

 

Аҧсны Аҳәынҭқарра Ахада Апрокурор Хада Зураб Ачба диҧылеит

16.04.2018
Аҧсны Аҳәынҭқарра  Ахада Апрокурор Хада Зураб Ачба диҧылеит

Мшаҧымза 16 рзы Аҧсны Аҳәынҭқарра Ахада Рауль Ҳаџьымба Апрокурор Хада Зураб Ачба диҧылеит.

Рауль Ҳаџьымба Апрокурор Хадеи апрокуратура аусзуҩцәа зегьи рзанааҭтә ныҳәа рыдиныҳәалеит.

«Ари аусбарҭа аус шауа, ахылаҧшратә функциақәа шынанагӡо, ареспубликаҟны ирылаҩыз ацәгьоурақәа рыҭҵааратә усура ахаҭабзиара акраҵанакуеит ҳҳәынҭқарразы. Иахьа аусурақәа рҕәҕәахеит, аха уигьы азхаӡом. Азакәан аҳәаа иҭыҵуа апроцессқәа, азакәан аҩныҵҟа ииагатәуп. Ауаа ирдыруазароуп иақәнагоу ахарадҵара ақәыршәара аҳәынҭқарра шакәу знапы иану. », - иҳәеит аҳәынҭқарра Ахада.

Ахада иазгәеиҭеит макьана азинхьчаратә еилазаарақәа, апрокуратурагьы убрахь иналаҵаны, русураҟны агхақәа шыҟоу, аха хара имгакәа урҭ рыриашара шалыршахо азы агәра шигогьы. Ахада ҷыдала иаҵшьны иҳәеит ацәгьоура дуқәа зегьы аусура аҵыхәтәанынӡа ишнагатәу Апрокуратура Хада ахылаҧшрала. 

Зураб Ачба аҳәынҭқарра Ахада иҭабуп иеиҳәеит адныҳәаларақәа рзы. Ареспублика апрокуратура анаҧҵаз инаркны иара иаду ауал анагӡара ишаҿу, “азакәан ахьчара” ишаҿу.

Мшаҧымза 16 рзы Ахада Иусҧҟала Аҧсны Аҳәынҭқарра Апрокурор Хада Зураб Шьоҭа-иҧа Ачба ианеишьеит “3 -тәи акласс иаҵанакуа аиустициа Аҳәынҭқарратә абжьгаҩ изы изаамҭанытәиу аклассатә чын".

 


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT