Аҧсны Аҳәынҭқарра Ахада

 

Ахада тҟәарчалаа рықалақь амш рыдиныҳәалеит

09.04.2018

Ахада тҟәарчалаа рықалақь амш рыдиныҳәалеит

Мшаҧымза 9 рзы Аҧсны Аҳәынҭқарра Ахада Рауль Ҳаџьымба тҟәарчалаа рықалақь амш рыдиныҳәалеит.

Адныҳәалараҟны, ҷыдала, иҳәоуп:

«Акыр иаҧсоу Тҟәарчалаа!

Ишәыдысныҳәалоит ҳақалақь ашьақәгылара ашықәсхыҵра. Ари баша ныҳәаӡам, уи ақалақь ашьақәгылареи алахьынҵеи ирыдҳәалоу зегьы ирымшироуп.

Ауадаҩрақәа шыҟоугьы, ақалақь ауааҧсыра уи арҧшӡара иаҿуп, иара ақалақь аҧсҭазаара иадҳәалоу азҵаарақәа рыӡбараҟны ирылшо ала иацхраауеит.

Тҟәарчал, хьӡи-ҧшеи згым аҭоурых ззымдыруа дмаҷуп. Ҳара иаҳдыруеит аибашьра ашықәсқәа раан уи акәша-мыкәша ақырҭуа фашизм иаҿагылаз амчқәа зегьы реидкылара шалшаз, хыҵакырҭас ишроуыз Аҧсны мрагыларатәи ахәҭаҟны инхоз ауааҧсыра аӡәырҩы. Аибашьраан ақалақь иаиуз ахәрақәа иахьагьы имҕьац. Убас шакәгьы, иара аҧсы ҭоуп, аҽеиҭакра иаҿуп. Ҳара зегьы иаҳуалуп уи ҧшӡаны, нхарҭа ҭыҧ ссирны аҟаҵара. Сгәы иаанагоит, иҟоу ауадаҩрақәа зегьы риааира шалыршахо, хара имгакәа, Тҟәарчал аизҳазыҕьара ишалаго, Аҧсны иреиҕьу аҭыҧқәа ируакны ишыҟало.

Акыр исзаҧсоу тҟәарчалаа, иахьатәи аныҳәа шәыдныҳәало, ишәзеиҕьасшьар сҭахуп агәабзиара, анасыҧ, аихьӡара ҿыцқәа!».

 

 


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT