Аҧсны Аҳәынҭқарра Ахада

 

Ахада Анатоли Бибилов Имшира идиныҳәалеит

06.02.2018

Жәабранмза 6 рзы Аҧсны Аҳәынҭқарра Ахада Рауль Ҳаџьымба Алада Уаҧстәыла Ахада   Анатоли Бибилов Имшира идиныҳәалеит.

Адныҳәалараҟны, ҷыдала, иҳәоуп: 

«Ҳаҭыр зқәу Анатоли Илиа-иҧа!

Гәык-ҧсыкала ишәыдысныҳәалоит Шәымшира.

Иуадаҩу аҭагылазаашьақәа раан, макьанагьы иӡбам апроблемақәа маҷымкәа иахьыҟоу атәыла напхгара аҭаны, Шәара шәымчи шәдыррақәа зегьи шәреспублика иқәынхо атәылауаҩ дарбанзаалак иҧсҭазаара аиҕьтәра иазышәкуеит. Агәра ганы сыҟоуп, Алада Уаҧстәыла ажәлар адгылара ишәырҭо иабзоураны шәҿаҧхьа иқәгыло ауснагӡатәқәа қәҿиарала рыӡбара шшәылшо. 


  2017 шықәсазы имҩаҧысыз иофициалтәу авизитқәа реимдара иаҳәоит ҳҳәынҭқаррақәа рыбжьара аусеицура аҩаӡара аҳаракра атәы. Сгәы иаанагоит, ҳреспубликақәа ирыбжьоу аиашьаратә еизыҟазаашьақәа аҧхьаҟагьы ишыҕәҕәахало, рыҿиарагьы ишацырҵо.  

Ҳаҭыр зқәу Анатоли Илиа-иҧа, гәыкала ишәзеиҕьасшьоит агәабзиара, агәамч, аихьӡарақәа шәнапы злаку аҳәынҭқарратә маҵураҿы».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT