Аҧсны Аҳәынҭқарра Ахада

 

Ахада Аҧсны Аҳәынҭқарра Ахада Иусбарҭа аҿаҧхьа иеизаз рышҟа ааҧхьара ҟаиҵеит

05.01.2018

Ахада Аҧсны Аҳәынҭқарра Ахада Иусбарҭа аҿаҧхьа иеизаз рышҟа ааҧхьара ҟаиҵеит

<p>Ажьырныҳәамза 5 рзы Аҧсны Аҳәынҭқарра  Ахада Иусбарҭа аҿаҧхьа иеизаз рышҟа ааҧхьара ҟаиҵеит  Г. Лукава Қырҭтәылаа рыҭара инамаданы.  

<p>«Сара иахьа Апарламент аҟны сыҟан, иаҧҵаз акомиссиа аҿаҧхьа сықәгылеит, ари Аусҧҟа изаҵаҩыз ҳәа азҵаарақәа ықәгылан, иеиҟарамкәа ауаа зеиҭныҧсахыз ҳәа, избан ҳара ааҩыки ҧшьҩыки рыла изыҳаҧсахыз ҳәа, избан лымкаала Лукава дызраҳҭаз ҳәа, ҳара абас еиҧш аӡбамҭақәа зҳадаҳкылеи ҳәа.<p>

   <p> Арҭ аӡбамҭақәа аартны ирыдкылан, имаӡаӡамызт. Алада Уаҧстәыла Ареспублика Ахада иҟнытә   2015 шықәсазы раҧхьаӡакәны ашәҟәы исоуз иаҳәон Қырҭтәыла абахҭақәа ирҭакыз, 25 шықәсеи рыҧсы ҭанаҵы арбаандаҩтәреи зықәҵаз Алада Уаҧстәыла атәылауаа рыла аиҭныҧсахлара амҩаҧгаразы иҟаҵаз аҳәара. <p> 

<p>Аҧсны Аҳәынҭқарра Алада Уаҧстәылатәи ҳаиашьаратә жәлари ҳареи аизыҟазаашьақәа шьақәнаргылеит.  Сара, аҳәынҭқарра Ахада иаҳасабала,  даҽакала сызныҟәаӡомызт аҟнытә аиҭныҧсахлара иазкыз адокумент снапы аҵазҩит. Аха ари ауснагӡатә сыдыскылаанӡа, апарламент   ҧасатәи ааҧхьараҟны иаартны ирылаҳҳәеит, ари азҵаара Апарламент аҟны иалацәажәахьан.  Апарламент усҟан, шамахамзар, иақәшаҳаҭхеит, уи ари аус азы иарбанзаалак документк ашьақәырҕәҕәаразы азинмчы амаӡамызт. Аха адепутатцәа зегьы ари шыҟаҵатәу ала ргәаанагара рҳәеит, ари апроцесс хәажәкырамзазы ихацыркын, шықәсык аҩныҵҟа имҩаҧысуан.<p>  

<p>Ааи, ҳара Қырҭтәыла иҟаз, ара ацәгьа зухьаз аӡәы дрымаҳхит. Уажәы уи дзаҳҭахыз ҳәа иҵаауеит. <p>    

<p>Уа даныҟаз, ацәгьоуразы Қырҭтәыла иҭакыз ауаа ҳара ҳзакәанқәа рыла аҭакҧхықәра рыдзароуп ҳәа ҳарҳәон. <p>

<p>Сара Акомиссиа иаӡбараны иҟоу сыздырам, аха иҟоу ацәажәарақәа рыла, ас еиҧш иҟоу аӡбамҭақәа Ахада адкыларазы азинмч имхтәуп зҳәо аӡбамҭа адкыларазы аҽазышәарақәа ыҟоуп. <p>

<p>Агәра шәсыргар сылшоит, Аконституциаҟны сара ашьауҕа ақәхразы азинмчы шысзазгәаҭоу.  Арҭ адокументқәа ашьауҕа ақәхразы Акомиссиа изрыдшәымгалеи ҳәа сарҳәоит. Ари аҩыза апроцедура азгәаҭаӡам Аконституциаҟны. Иашоуп, ари Акомиссиа иазку аҧҟаразы Аусҧҟа ыҟоуп. Аха, даҽазныкгьы исҳәоит, ари политикатә актын, даҽакалагьы ӡбашьа амаӡамызт. Имҩаҧаҳгаз аусқәа зегьы азакәан аҳәаақәа ирхыгаӡам. Ари аӡәы игәамҧхозар алшоит, аполитикатә феида алгара дашьҭазар ҟалоит, уи ҳуаажәларра зегьы азы ишәарҭоуп, ас еиҧш азҵаарақәа рызнеира ҳтәыла, ҳуаажәларра зегьы азы иҧырхага духоит.  Аҟәыҕара аарҧшхап, уи ҳхатә амбициақәа, ҳгәазыҳәарақәа инареиҳаны ҧыжәара агап ҳәа сгәы иаанагоит.<p>    

<p>Иахьа иҟоу аҧҟара  ҧсахтәызар, арҭ ауснагӡатәқәа рыӡбаразы алшарақәа ыҟоуп анагӡаратә мчрақәа, азакәанҧҵаратә мчрақәа рыҟны иақәнагоу аусурақәа рымҩаҧгарала, арҭ аҧҟарақәа ҧсахтәзар ҟалоит, аха иахьа ишаҿу еиҧш акәымкәа.<p>  

<p>Убри аҟнытә зегьы шәышҟа аҳәара ҟасҵоит, шәгәышәҽаныз, аиҿагылара ҟаҳамҵароуп, аха зҵаарак ыҟоуп, даҽазныкгьы, зыӡбахә сымоу еилышәкаар сҭахуп»,- иҳәеит Ахада. 


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT