" /> Аҟазараҭҵааҩ Боча Аџьынџьал80- шықәсаихыҵра идныҳәалара

Аҧсны Аҳәынҭқарра Ахада

 

Аҟазараҭҵааҩ Боча Аџьынџьал80- шықәсаихыҵра идныҳәалара

28.12.2017

Ҧхынҷкәынмза 28 рзы Аҧсны Ахада аҟазараҭҵааҩ, Аҧсны асахьаҭыхыҩцәа Реидгыла, аҟазараҭҵааҩцәа Жәларбжьаратәи Рассоциациа рлахәылаҩ Боча Аџьынџьал 80-шықәсаихыҵра идиныҳәалеит.

Адныҳәаларатә цҳамҭаҟны иҳәоуп: 

"Гәык-ҧсыкала ишәыдысныҳәалоит 80-шықәса шәхыҵра, насгьы ҳазҭало 2018-тәи Ашықәс Ҿыц! Ишәзеиҕьасшьоит агәамч ҕәҕәа, аманшәалара, ашықәсынҵыра ду! 

Шәара шәлагаламҭа дууп аҧсуа ҟазараҭҵаараҿы, ҷыдалагьы, иналукааша аҧсуа сахьаҭыхҩы, асценограф, акритик Алықьсандр Чачба-Шервашиӡе ирҿиаратә ҭынхааҭҵаара, аидкылара, аларҵәара русаҿы. Ааигәа, ҩынтәны иҭыҵит аҟаза ду ииубилеи инамаданы, уи иҧсҭазаареи, ирҿиамҭеи, илахьынҵеи ирызку шәышәҟәы ҿыц. 

Шәара шәрылахәын 1967 ш. инаркны 80-тәи ашықәсқәа рынҵәамҭанӡа Аҧсны имҩаҧысуаз амилаҭ-хақәиҭратә қәҧара иадҳәалаз ахҭыс хадақәа зегьы. Шәџьабаа маҷымкәа ирыдуп агазеҭ “Аҧсны Ҟаҧшь”, Аҧсуа ҳәынҭқарратә музеи, Аҟәатәи асахьаҭыхратә ҵараиурҭа, Аҧсны Акультура аминистрра, Д.И. Гәлиаихьӡ зху Аҧсуа ҭҵааратә институт. 

Аҧсны аџьынџьтәылатә еибашьраан шәара шәаҧшьгарала Санкт-Петербург еиҿкаахеит ауаажәларратә-культуратә хеидкыла “Аҧсны”– ҳажәлар ргәыашьҭыхраҿы, ҳҭоурых аӡыргараҿы зылшамҭақәа дуу. Шәара шәыруаӡәкуп уи анапхгаҩцәа. Шәымчала иҭыжьхеит аибашьрааан ақырҭуа мпыҵахаларатә режим Аҧсны имҩаҧнагоз агеноцид аазырҧшуа инарҭбаау адокументалтә усумҭақәа. 

Шәылшамҭақәа рзы ишәанашьоуп аорден “Ахьӡ-аҧша” ахҧатәи аҩаӡарИахьагьы тәамҩахә ҟамҵа, аус азыжәуеит Аҧсны аҳәынҭқарра ахьыҧшымра аӡыргара, аҧсуа ҟазареи акультуреи реихьӡарақәа ирызку аинформациа аларҵәара. 

Ишәыдышәкыл гәык-ҧсыкала ишәзынасышьҭуа азеиҕьашьарақәа! Ишәымазааит аныҳәатә гәалаҟара бзиа, ҧхьаҟатәи ақәҿиара ҿыцқәа".

Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT