Аҧсны Аҳәынҭқарра Ахада

 

Рауль Ҳаџьымба Даниель Ортега имшира идиныҳәалеит

11.11.2017

Рауль Ҳаџьымба Даниель Ортега имшира идиныҳәалеит

Абҵарамза 11 рзы Аҧсны Аҳәынҭқарра Ахада Рауль Ҳаџьымба Никарагуа Ареспублика Ахада Хосе Даниель Ортега Сааведра имшира идиныҳәалеит.

Адныҳәалараҿы, ҷыдала, иҳәоуп:

“Ҳаҭыр зқәу Апрезидент!

Аҧсны жәлар зегьы рыхьӡалеи сара хаҭалеи шәымшира шәыдысныҳәалоит!

Ҳтәыла анапхгареи уи иқәынхо ауааҧсыреи ҳаҭыр ду ақәырҵоит Аҧсны исуверентәу, ихьыҧшым ҳәынҭқаррак аҳасабала жәларбжьаратәи азхаҵара апроцесс иазыҟашәҵаз алагала ду.

Аҧсни Никарагуеи реизыҟазаашьақәа иеиуеиҧшым ахырхарҭақәа рыла қәҿиарала аҿиарамҩа иануп. Агәра шәсыргоит, ҳтәылақәа рыбжьара ганрацәалатәи аимадарақәа еиҳа рырҕәҕәаразы ҳамчи ҳалшареи наҟ-наҟгьы ишадаҳҵало.

Исоуз аҭагылазаашьа схы иархәаны, ишәзеиҕьасшьар сҭахуп, ҳаҭыр зқәу Апрезидент, агәамч, аманшәалара, иаанышәкыло аҳәынҭқарратә маҵзура ҳаракаҟны аихьӡара дуқәа, Никарагуа ажәлар – аҭынчреи аизҳазыҕьареи”.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT