Аҧсны Аҳәынҭқарра Ахада

 

Ахада дырҧылеит Аерманцәа реилазаара ахаҭарнакцәа

Ахада дырҧылеит Аерманцәа реилазаара ахаҭарнакцәа 19.05.2017

Ахада дырҧылеит Аерманцәа реилазаара ахаҭарнакцәа

Лаҵара 19 рзы Аԥсны Ахада Рауль Ҳаџьымба дырԥылеит Аерманцәа реилазаара ахаҭарнакцәа.

Рауль Ҳаџьымба иазгәеиҭеит, Аԥсны иҟоу амилаҭтә еилазаарақәа зегьы иакны иҟазар шакәу, аерман еилазаарагьы убрахь иналаҵаны.

Ахада инаҵшьны иҳәеит, Аԥсны еицаҳзеиԥшу аԥсадгьыл злакәу ала, уи иқәынхо амилаҭқәа зегьы ҳаидгыланы ҳтәыла аԥеиԥш лашазы аус ҳур шҳахәҭоу.

«Еснагь иҟазаауеит мчрақәак, ҳара ҳабжьара аилибамкаарақәа ҟаларазы зҽазызшәало. Агәыӷра сымоуп ҳаԥсадгьыл аизҳазыӷьаразы гәык-ԥсык ала, ҳажәҩахыр еибыҭаны аус шаҳуло», - иҳәеит Аҳәынҭқарра Ахада.

Аерманцәа реилазаара аиҳабы Галуст Трапизониан Ахада иҭабуп ҳәа иеиҳәеит аиԥыларазы.

«Сара сгәалашәараҿы иҟам Аҳәынҭқарра Ахада аерман еилазаара абас еиԥш инарҭбааны ҳанидикылахьаз ахҭыс. Уи ҳара даара агәахәара ҳнаҭоит. Иҭабуп», - иҳәеит Аԥсны иҟоу Аерманцәа реилазаара аиҳабы Галуст Трапизониан.

Ахада убасгьы ари аилазаара ахаҭарнакцәа алархәны далацәажәеит ҳтәылаҿы ишьақәгылоу аҭагылазаашьа.

Аԥсны Аҳәынқарра Жәлар Реизара – Апарламент адепутат Левон Галустиан иазгәеиҭеит Аԥсни Ареспублика Арцахи реизыҟазаашьақәа еиҳа-еиҳа рыҽшдырҭбаауа, ҷыдала, азакәанԥҵаратә мчрақәа рыбжьара.



Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT