Аҧсны Аҳәынҭқарра Ахада

 

Аҧсны Ахада Рауль Ҳаџьымба Аҧсны жәлар рышҟа иҟаиҵаз ааҧхьара

20.03.2017

Аҧсны Ахада Рауль Ҳаџьымба Аҧсны жәлар рышҟа иҟаиҵаз ааҧхьара

Ҳаҭыр зқәу ҳауаажәлар!

Шәара шәахь схы нарханы, исҳәарц сҭахуп: иахьа имҩаҧысуа Апарламентахь алхрақәа рымҩа азыбжак ҳанысит. Ҳаҧхьаҟа ишьҭоуп аҩбатәи атур– уи иааиуа амҽышаҽны имҩаҧысраны иҟоуп. Аха арҭ амшқәа рзы, алхратә гәыҧқәа ирыдгылои дара акандидатцәа рхаҭақәеи реиҿагылара амҽхак арҭбааит. Уи иахьакәым ахы археит. Ирблит амашьына, иҟалеит ахысра, агәыҧқәа рыбжьара аимак-аиҿак аизҳара иаҿуп.

Зегь шәахь ааҧхьара ҟаҵо, иазгәасҭарц сҭахыуп: иазхоуп аҳәынҵәа еигәыдҭәалара, азакәан –мҩа аныҵра! Ари ҳара ҳҳәынҭқарра ашьагәыҭ ҵызшәаауа усуп. Зны-зынла иаҳхаагахьоу аамҭақәа ҳгәаларшәо, иахьатәи ҳтагылазаашьеи ҳҳәоуеиқәымшәареи ҳрылацәажәауа, иаҳҳәалоит: иҭахаз ҳаҷкәынцәа абарҭ аусқәа рҵыхәала нарцәгьы ҳнарышьҭуам ҳәа.

Аха рыцҳарас иҟоу: аҽынкылашьа ҳақәымшәар, зыҧсы ҭаны иаанхо, уаҵәтәи ҳҧеиҧш ҳәа ҳзызхәыцуа, убарҭгьы рхы ахьырго рмоуа иҟаҳҵар алшоит. Анцәа иумҳәан, аха рыдгьыл дара иртәымкәа, иҧсыз дахьыржуа рмоуа... Абас ҳмыхьырц азын, иаҭахыуп аизыӡырҩрра, аҳаҭыреиқәҵара, азакәан ақәныҟәара!

Аӡәгьы азин имам ихатәы интересқәа рзын, зықьҩыла аҵеира рхы зқәырҵаз ихьыҧшым Аҧсны аҳәынҭқарра алахьынҵа ашәарҭа аҭаргылара!

Аҳәынҭқарра иалшо зегьы ҟанаҵоит алхрақәа ҭынч-мҩала, закәан-мҩала рымҩаҧгаразын!

Агәра згоит, ҳамч-ҳалшеи еилаҳҵар, аҳәынҭқарра аргылараҿы даҽа мҩакгьы хьыӡла-ԥшала ҳшанысуа. 


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT