Урыстәылатәи Афедерациа Ахада Ицхырааҩ Владислав Сурков Аҧсны Аҳәынҭқарра Ахада Рауль Ҳаџьымба идиныҳәалеит Ахьыҧшымра азхаҵара амш.
Адныҳәалараҟны, лымкаала, иҳәоуп:
Ҳаҭыр зқәу Рауль Џьумка-иҧа!
Гәык-ҧсыкала Шәаргьы аҧсуа жәлар зегьы ирыдысныҳәалоит Аҧсны Аҳәынҭқарра ахьыҧшымра жәларбжьаратәи азхаҵара аашықәса ахыҵра амш!
Ииасыз ашықәсқәа рыҩныҵҟала Ареспублика аҳәынҭқарратә ргылараҟны аихьӡара дуқәа, адемократиатә еиҿкаарақәа рырҕәҕәареи зымҽхак ҭбаау асоциалтә-економикатә уснагӡатәқәа рыӡбареи алнаршеит.
Урыстәылатәи Афедерациа аҧхьаҟагьы адгылара ҟанаҵалоит, ҳҳәынҭқаррақәа ирыбжьалаз аидгыларатә еизыҟазаашьақәа рырҿиара иацхраалоит.
Шәаргьы, Аҧсны атәылауаа зегьы ирзеиҕьасшьоит аҭынчра, аизҳазыҕьара.
Твитнуть | |