Аҧсны Аҳәынҭқарра Ахада

 

Урыстәылатәи арегионалтә МИХ рхаҭарнакцәа реиҧылара

19.11.2015

Аҟәа, 11.00

Ахада Рауль Ҳаџьымба Урыстәылатәи Афедерациа асубиектқәа -Нижегородтәи аобласти, Владимиртәи аобласти, Ареспублика Мордовиеи РИХ хаҭарнакра рзызуа ажурналистцәа дырҧылеит.

Ажурналистцәа Аҧсны иҟоуп Аҧсны Аҳәынҭқарра Ахәаахәҭра-ааглыхратә палата иеиҿнакааз апресс-тур аҳәаақәа ирҭагӡаны.

Рауль Ҳаџьымба Аҧсны асоциалтә-економикатә ҿиареи, атәыла аполитикатә ҧсҭазаареи ирыдҳәалоу азҵаарақәа жәпакы рҭак ҟаиҵеит. Ахада ажурналистцәа иреиҳәеит аинвестициатәи акредиттәи политикеи ҳазҭагылоу аамҭазы Урыстәыла асубиектқәа инарымаданы наҟ-ааҟ феида змоу аусеицура ашьақәыргыларазы имҩаҧысуа аусуреи ртәы.

Ажурналистцәа зҿлымҳара арҭеит лымкаала аҳәынҭқарратә политика злашьақәгылоу аҧсуа економика атуристтәи аграртәи секторқәа.

Аиҧылара далахәын Нижегородтәи аобласт аҟны иҟоу Аҧсны Аҳәынҭқарра Ҳаҭыр зқәу аконсул Владимир Литвинчук .


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org