Аҧсны Аҳәынҭқарра Ахада

 

Урыстәылатәи аҧырҩы –акосмонавт Сергеи Риазански иҧылара

24.11.2015

Аҟәа, 18.30

Ахада Рауль Ҳаџьымба дидикылеит Урыстәыла Афырхаҵа, иеицырдыруа урыстәылатәи аҧырҩы-акосмонавт Сергем Риазански.

Сергеи Риазански иҳәеит Аҧсны иҟазаара инадҳәаланы иоуз агәахәара атәы. Уи ахә ҳаракны ишьеит Аҧсны ахада Иусбарҭа ацхыраарала иеиҿкааз афотосахьақәа рцәыргақәҵа «Акосмос аҟнытә алаҧш». Сергеи Риазански ари ацәыргақәҵа ашҟа асас дахьк иаҳасабала ааҧхьара иҭан, акыр драцәажәеит аҧсуа школхәыҷқәеи астудентцәеи.

Аҧсуа-аурыс гәуманитартәи аҭҵаарадырратәи усеицура аҿиара азҵаарақәа жәпакы ирыдҳәалоу аицәажәараан Рауль Ҳаџьымба иазгәеиҭеит: «Ҳара ахаан иаҳхашҭӡом, 2015 шықәса цәыббра 30 рзы урыстәылатәи акосмонавтцәа Жәларбжьаратәи акосмостә станциаҟнытә Аҧсны жәлар Аиааира Амши Ахьыҧшымреи шрыдырныҳәалаз. Урыстәылатәи акосмонавтцәа рмиссиа џьаушьартә иҟоуп, шәара ҳаҭыр шәықәырҵоит, бзиа шәырбоит аурыс жәлар реиҧш, аҧсуа жәларгьы».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org