Аҧсны Аҳәынҭқарра Ахада

 

Алада Уаҧстәыла Аибашьратә хҭысқәа раан ахәцәа ацхыраара рыҭаразы Афонд алахәылаҩцәа рҧылара

29.09.2015

Рауль Ҳаџьымба идикылеит Аиааира Амш азгәаҭара иазку аныҳәатә усмҩаҧгатәқәа рыҽрылахәразы Аҧсныҟа иааз Алада Уаҧстәыла 1989 ш. 2008 ш. рзы имҩаҧысуаз Аибашьратә хҭысқәа раан ахәцәа ацхыраара рыҭаразы Афонд алахәылаҩцәа.

Аиҧылара далахәын иара убас Аҧсны жәлар Рџьынџьтәылатә еибашьра аинвалидцәа Рфонд ахантәаҩы Бадри Агрба.

Афонд ахантәаҩы Мадина Плиева Рауль Ҳаџьымба иҭабуп ҳәа иалҳәеит асасдкыларазы, иара убас идылныҳәалеит Аиааира Амш.

Аҧсны Жәлар Рџьынџьтәылатә еибашьра аинвалидцәа Рфонд ахантәаҩы Бадри Агрба иазгәеиҭеит Аҧсны аветереанцәа гәахәарыла ишрыдыркылаз аиашьаратә Уаҧстәалантәи Аиааира Амш адныҳәаларазы асасцәа раара. Рауль Ҳаџьымба дазааҭгыланы иҳәеит, Аҧсни Аҩада Кавказ ареспубликақәеи рветеранцәа рыбжьара аимадара арҕәҕәара шаҭаху.

Ахада иазгәеиҭеит аибашьра иалахәыз рфырхаҵареи рхамеигӡареи изызҳауа абиҧара ҿыцқәа рааӡараҟны ҿырҧшыгас аҟаҵара иамоу аҵакы ду. «Аҧсни Уаҧстәылеи ахәыҷқәа аибашьра афырхацәа рфырхаҵара атәы рдыруазароуп. Даара исҭахуп дара аҭынчра абызшәала еицәажәаларц», - иҳәеит Ахада. ,p>Аҳәынҭқарра Ахада асасцәа агәалашәаратә ҳамҭақәа рнапы иаиркит.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org