Аҧсны Аҳәынҭқарра Ахада

 

Ахада Рауль Ҳаџьымба Алада Уаҧстәыла Республика аҧҵара 25-шықәсахыҵра иазкыз арратә парад аҟны дыҟан.

20.09.2015

Аныҳәатә парад аҟны иҟан Тамерлан Агузаров хадара ззиуаз Аҩада Уаҧстәыла Ареспублика – Аланиа, Алеқсандр Захарченкои Игор Плотницкии хадара ззыруаз Донецктәии Лугансктәии жәлар рреспубликақәа рыҟнытә аделегациақәа, иара убас Урыстәыла иеиуеиҧшым арегионқәа рыҟнытә аделегациақәа.

Апарад мҩаҧысуан Цхинвал ашҭа хада аҟны. Апарад иалахәын Алада Уаҧстәыла арбџьар мчқәа рыхәҭақәеи амилициеи, иара убас Урыстәылатәи Афедерациа 4-тәи арратә база ахәҭақәа.

Апарад ахыркәшара анаҩс атәылақәа рхадацәеи егьырҭ аделегациақәа рхадацәеи Алада Уаҧстәыла Амилаҭтә музеи официалла аартрахь рҿынархеит.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org