Аҧсны Аҳәынҭқарра Ахада

 

Аҧсны Аҳәынҭқарратә хортә капелла аколлективи артистцәеи аҳаҭыртә хьыӡқәа ранашьоуп

16.09.2015

Ахада Рауль Ҳаџьымба инапы аҵаиҩит Аҧсны Аҳәынҭқарратә хортә капелла аколлектив аҳаҭыртә хьыӡқәа ранашьаразы Аусҧҟа.

Аҧсны амузыкатә ҟазареи акультуреи рырҿиараҟны рлагаламҭазы Аҳәынҭқарратә хортә капелла аколлектив ианашьоуп «Ахьӡ-Аҧша» орден III аҩаӡара.

Аҧсуа милаҭтә ҟазара аҿиараҟны рлагаламҭазы «Аҧсны Аҳәынҭқарра зҽаҧсатәыз артист» ҳәа аҳаҭыртә хьӡы ранашьоуп Аҳәынҭқарратә хортә капелла асолистцәа:

Џьениа Лиучиа Ҳаџьгәаҭ-иҧҳа;

Капица Виолета Антон-иҧҳа;

Шьакаиа Асида Раико-иҧҳа;

Ҳагба Родик Золотинск-иҧа.

Аҧсны Аҳәынҭқарратә хортә капелла лҵшәазмоу шыкәсырацәалатәи аусуразы «Аҧсны акультура зҽаҧсазтәыз аусзуҩы» ҳәа аҳаҭыртә хьӡы иаҧсахеит:

Анқәаб Сара Синаҭ-иҧҳа.

Аҧсуа профессионалтә шәаҳәара арҿиараҟны илагаламҭазы «Аҧсны Жәлар рартист» ҳәа аҳаҭыртә хьӡы ианашьоуп Аҧсны Аҳәынҭкарратә хортә капелла асолист:

Габлиа Аслан Фераҭ-иҧа.

АУСҦҞА

Аҧсны Аҳәынҭқарратә хортә капелла аколлектив «Ахьӡ-Аҧша» аорден III аҩаӡара анашьаразы

Аҧсны амузыкатә ҟазареи акультуреи рлагаламҭазы Аҧсны Аҳәынҭқарратә хортә капелла аколлектив ианашьазааит «Ахьӡ-Аҧша» аорден III аҩаӡара.

АХАДА Р. ҲАЏЬЫМБА

Аҟәа ақ.

2015 шықәса цәыббрамза 15

№ 237


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org