Урыстәылатәи Афедерациа асубиектқәа рхадацәа рыдныҳәалара

15.09.2015

Ахада Рауль Ҳаџьымба адныҳәаларатә шәҟәқәа дәықәиҵеит Вениамин Кондратиеви Рустам Минниханови Урыстәылатәи Афедерациа асубиектқәа Ахадацәас ралхра инамаданы.

Краснодартәи атәылаҿацә Агубернатор Вениамин Кондратиев ихьӡала адныҳәаларатә шәҟәы аҟны иҳәоуп:

"Шәара алхрақәа рыҟны ижәгаз аиааира иаша ажәлар ишәырҭо агәрагареи Краснодартәи атәылаҿацә Агубернатор имаҵураҟны шәусура иадырҳәало агәыҕрақәеи ртәы аҳәоит. Шәара шәыхьӡи, шәҧышәеи, шәдыррақәеи Краснодартәи атәылаҿацә асоциал-економикатә ҿиара ауси ауааҧсыра рыҧсҭазаара ахаҭабзиара аиҕьтәреи шьаҭас иаиууеит".

Ҭаҭарсҭан Ареспублика Русҭам Минниханов ихьӡала адныҳәаларатә шәҟәы аҟны иҳәоуп:

"Аҧышәа змоу аҳәынҭқарратә усзуҩы, аҭакҧхықәра ныҟәызго, ҳаҭыр зқәу аҧхьагыла, Шәара Ҭаҭарсҭан ажәлар зегьы, шамахамзар, шәыгәра ганы иеицҿакны рлахьынҵа шәнапы ианырҵеит.

Ҭаҭарсҭан иахьа аихьӡара змоу Урыстәылатәи Афедерациа асубиектқәа ируакуп. Агәра ганы сыҟоуп, Шәара Ахада имаҵураҟны шәусура ареспублика аизҳазыҕьареи атәылауаа рыҧсҭазаашьа аиҕьтәреи ишрызкхо".

Вениамин Кондратиев Краснодартәи атәылаҿацә (Урыстәылатәи Афедерациа) Агубернаторс иалхра инамаданы идныҳәалара

В.И.Кондратиев,

Краснодартәи атәылаҿацә Агубернатор ишҟа

Ҳаҭыр зқәу Вениамин Иван-иҧа!

Гәык-ҧсыкала ишәыдысныҳәалоит Краснодартәи атәылаҿацә Агубернатор имаҵурахьы шәалхра.

Шәара алхрақәа рыҟны ижәгаз аиааира иаша ажәлар ишәырҭо агәрагареи Краснодартәи атәылаҿацә Агубернатор имаҵураҟны шәусура иадырҳәало агәыҕрақәеи ртәы аҳәоит. Шәара шәыхьӡи, шәҧышәеи, шәдыррақәеи Краснодартәи атәылаҿацә асоциал-економикатә ҿиара ауси ауааҧсыра рыҧсҭазаара ахаҭабзиара аиҕьтәреи шьаҭас иаиууеит.

Аҧсни Краснодартәи атәылаҿацәи ҷыдала аимадара рыбжьоуп. Ҳара акыр иаҳзаҧсан иаҳа ианыуадаҩыз аамҭазы ҳгәылараҟнытә ҧсахрада иҳаууаз ацхыраара. Аҧсны анапхгареи ажәлари ахә ҳаракны иршьоит ҳтәылеи Краснодартәи атәылаҿацәи рыбжьара ишьақәгылаз аизыҟазаашьақәеи зыҩаӡара ҳараку аусеицуреи.

Ҳаҭыр зқәу Вениамин Иван-иҧа, шәымшира аҽны ишәзеиҕьасшьоит агәабзиара, агәамч, шәгәы иҭакқәоу рынагӡараҟны аихьӡарақәа.

Рауль Ҳаџьымба

Р.Н. Минниханов,

Ҭаҭарсҭан Ареспублика Ахада ишҟа

Ҳаҭыр зқәу Русҭам Нургали-иҧа!

Аҧсны Аҳәынҭқарра анапхгареи ажәлари рыхьӡала гәык-ҧсыкала ишәыдысныҳәалоит Ҭаҭарсҭан Ареспублика Ахада имаҵурахьы шәалхра!

Аҧышәа змоу аҳәынҭқарратә усзуҩы, аҭакҧхықәра ныҟәызго, ҳаҭыр зқәу аҧхьагыла, Шәара Ҭаҭарсҭан ажәлар зегьы, шамахамзар, шәыгәра ганы иеицҿакны рлахьынҵа шәнапы ианырҵеит. Ҭаҭарсҭан иахьа аихьӡара змоу Урыстәылатәи Афедерациа асубиектқәа ируакуп. Агәра ганы сыҟоуп, Шәара Ахада имаҵураҟны шәусура ареспублика аизҳазыҕьареи атәылауаа рыҧсҭазаашьа аиҕьтәреи ишрызкхо.

Ҳара ахә ҳаракны иаҳшьоит Ҭаҭарсҭан Ареспубликеи ҳареи иҳабжьоу аамҭа иҧнашәаз аимадарақәа. Гәыкала агәра згоит Аҧсни Ҭаҭарсҭани ирыбжьоу аиҩызаратә еизыҟазаашьақәа иеиуеиҧшым ахырхарҭақәа рыла наҟ-ааҟ ишаҳзыфеидоу ала аусеицура арҿиарала аҧхьаҟа есааира ишыҕәҕәахо.

Ҳаҭыр зқәу Русҭам Нургали-иҧа, ишәзеиҕьасшьоит агәабзиара , аҭакҧхықәра зцу аҳәынҭқарра амаҵураҟны аихьаӡара дуқәа, Ҭаҭарсҭантәи ҳаиашьаратә жәлар - аҭынчра, аизҳазыҕьара.

Рауль Ҳаџьымба


Возврат к списку